Пераходны ўрад Дэмакратычнай Рэспублікі Конга
Пераходны ўрад Дэмакратычнай Рэспублікі Конга — часовы ўрад ДР Конга, які ўзнік пасля завяршэння Другой кангалезскай вайны і праіснаваў да прыняцця новай канстытуцыі.
Гісторыя[правіць | правіць зыходнік]
У ліпені 2002 года ў Прэторыі (ПАР) падпісана пагадненне аб вывадзе замежных войск з ДР Конга[1]. У рамках падтрыхтоўкі дакумента ўзгоднены план стварэння пасляваеннага пераходнага ўрада, у які ўвайшлі і прадстаўнікі ўладаў, і прадстаўнікі паўстанцаў. Паўнамоцтвы былі размежаваны наступным чынам: дзеючы кіраўнік краіны Жазеф Кабіла заставаўся прэзідэнтам[2], а за лідарамі апазіцыі (Азарыяс Руберва Жан-П’ер Бемба, Артур З’ахіды Нгома) замацоўваліся пасады віцэ-прэзідэнтаў. Адным з віцэ-прэзідэнтаў (Абдулай Ерадыя Ндамбасі) быў прыхільнік уладаў[3].
Афіцыйна пераходны ўрад пачаў дзейнічаць 1 ліпеня 2003 года[2].
У гэтых умовах пачаўся найскладанейшы этап кангалезскай перабудовы. Пры адсутнасці адзінства ў пераходным урадзе трэба было завяршыць працэс фарміравання прававой базы, павысіць абараназдольнасць шляхам стварэння арміі і паліцыі, ліквідаваць узброеныя групоўкі, аднавіць дзяржаўную ўладу па ўсёй краіне і, як завяршэнне працэсу пераходнага перыяду, правесці агульнадэмакратычныя выбары. У лютым 2006 года года Кабіла зацвердзіў новую Канстытуцыю і закон аб усеагульных выбарах, які вызначаў тэрміны і парадак іх правядзення. Гаворка ішла пра прэзідэнцкія, парламенцкія і выбары ў мясцовыя органы самакіравання. Змянілася геральдыка краіны. На гербе леў саступіў месца леапарду, а сцяг вярнуў сваё аблічча часоў 1963—1971 гадоў[4].
У 2006 годзе ў краіне прайшлі выбары, перамогу на якіх атрымаў Кабіла. Тым самым, пераходны перыяд быў завершаны[5].
Заўвагі[правіць | правіць зыходнік]
- ↑ Global and Inclusive Agreement on Transition in the Democratic Republic of the Congo, signed in Pretoria, South Africa on 16 December 2002
- ↑ а б G. Prunier. Africa's World War: Congo, The Rwandan Genocide, and the Making of a Continental Catastrophe. — Oxford University Press, 2009. — ISBN 978-0199754205.
- ↑ DRC: 2003 chronology of events - Democratic Republic of the Congo | ReliefWeb. reliefweb.int (5 студзеня 2004).
- ↑ Г.М. Сидорова Демократическая Республика Конго: политическая нестабильность и фактор Руанды // Вестник Волгоградского государственного университета. Серия 4: История. Регионоведение. Международные отношения. — 2011. — № 2 (20). — С. 81—89.
- ↑ Троянский М. Г., Карпович О. Г., Сидорова Г. М., Шангараев Р. Н. Россия-Африка: стратегическое сотрудничество: монография. — Дипломатическая академия МИД России, 2023. — 324 с.