Полацкі гандлёва-тэхналагічны каледж

Полацкі гандлёва-тэхналагічны каледж
Дата заснавання	1959
Тып	прафесійна-тэхнічны каледж[d]
Размяшчэнне	Полацк
pttc.bks.by

Установа адукацыі «Полацкі гандлёва-тэхналагічны каледж» Белкаапсаюза — былая дзяржаўная сярэдняя спецыяльная навучальная ўстанова, дзейнічала ў Полацку ў 1959-2021 гадах.

Гісторыя

Створаны ў 1959 годзе як Полацкі кааператыўны тэхнікум.

• 1966 — на базе тэхнікума адкрыта вучылішча па падрыхтоўцы прадаўцоў харчовых і нехарчовых тавараў.
• 1969 — тэхнікум перайменаваны ў політэхнічны.
• 1993 — тэхнікум і вучылішча аб'яднаны ў вучэбна-вытворчы комплекс «ПТВ — тэхнікум».
• 2000 — «ПТВ-тэхнікум» ператвораны ў Полацкі гандлёва-тэхналагічны каледж. Уведзена двухузроўневая падрыхтоўка: I-ы ўзровень прафесійна-тэхнічнай адукацыі; II-гі ўзровень сярэдняй спецыяльнай адукацыі. 2007 год — адкрыта спецыялізацыя «Інфармацыйнае забеспячэнне бізнесу» па завочнай форме навучання.
• 2008 год — распачата падрыхтоўка па спецыяльнасці «Праграмнае забеспячэнне інфармацыйных тэхналогій».
• 2009 — адкрыта падрыхтоўка па спецыяльнасці «Машыны і апараты харчовых вытворчасцяў» на завочным аддзяленні.
• 2013 — адкрыта падрыхтоўка па спецыяльнасці «Рознічныя паслугі ў банку».

У 2021 годзе каледж расфарміраваны, будынкі навучальнай установы перададзены на баланс Полацкага дзяржаўнага ляснога каледжа.

Матэрыяльная база

Каледж меў 3 навучальныя корпусы з абсталяванымі навучальнымі кабінетамі і лабараторыямі, з 6 камп'ютарнымі класамі, вучэбнай крамай, бібліятэкай з чытальнай залай, спартыўнай залай, буфетам. Іншагароднія навучэнцы забяспечваліся інтэрнатам, у якім была сталовая на 80 пасадачных месцаў.

Літаратура

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).