Полацкі дзяржаўны аграрна-эканамічны каледж

З пляцоўкі Вікіпедыя
Jump to navigation Jump to search
Полацкі дзяржаўны аграрна-эканамічны каледж
Год заснавання 1956
Тып каледж
Размяшчэнне
Адрас 211413, Полацк, вул. Кастрычніцкая, 55, Віцебская вобласць, Рэспубліка Беларусь
pgaek.by

Полацкі дзяржаўны аграрна-эканамічны каледж — дзяржаўная сярэдняя спецыяльная навучальная ўстанова Полацка. Заснавана ў 1956 годзе. Рыхтуе бухгалтараў, юрыстаў і тэхнікаў-праграмістаў.

Гісторыя[правіць | правіць зыходнік]

У 1956 годзе сярэдняя сельскагаспадарчая школа па падрыхтоўцы старшыняў калгасаў была рэарганізавана ў Полацкі сельскагаспадарчы тэхнікум. У 1956—1976 гадах дырэктарам тэхнікума быў Ігар Мікалаевіч Жарыкаў. Віктар Сямёнавіч Шышоў узначальваў калектыў у 1976—1985 гадах. У 1985—1997 гадах дырэктарам з'яўляўся Мікалай Яўстаф'евіч Шкляр. З 1997 па 2005 год дырэктарам тэхнікума, а затым і каледжа з'яўляўся Уладзімір Іванавіч Дзюба. У 1971 годзе быў пабудаваны новы вучэбны корпус, а ў 1979 годзе быў уведзены ў эксплуатацыю новы корпус інтэрната. У 2002 годзе загадам Міністэрства сельскай гаспадаркі і харчавання Рэспублікі Беларусь № 214 Полацкі сельскагаспадарчы тэхнікум быў рэарганізаваны ў Полацкі дзяржаўны аграрна-эканамічны каледж.

Матэрыяльная база[правіць | правіць зыходнік]

Каледж валодае сучаснай вылічальнай тэхнікай і камунікацыйным абсталяваннем. Камп'ютары каледжа аб'яднаны ў высакахуткасную лакальную сетку. Для вывучэння спецыяльных і агульнапрафесійных дысцыплін працуюць 6 камп'ютарных класаў, кабінет курсавога і дыпломнага праектавання, лабараторыя арганізацыі і функцыянавання ЭВМ і мікрапрацэсарнай тэхнікі, лабараторыі сеткавых тэхналогій і перыферыйнага абсталявання, схематэхнікі і архітэктуры ПЭВМ. Ёсць бібліятэка і інтэрнат.