Міністэрства сельскай гаспадаркі і харчавання Рэспублікі Беларусь

Будынак Міністэрства сельскай гаспадаркі і харчавання Беларусі

Эмблема

Сцяг

Міністэрства сельскай гаспадаркі і харчавання Рэспублікі Беларусь (Мінсельгасхарч Беларусі) — ведамства ўраду Беларусі, упаўнаважанае ажыццяўляць парадкаванне сельскай гаспадаркі. Міністр сельскай гаспадаркі і харчавання прызначаецца і здымаецца з пасады прэзідэнтам. З 10 лютага 2022 года пасаду міністра займае Ігар Брыло.

Склад

Цэнтральны апарат — 7 галоўных упраўленняў, 2 дэпартаменты, 4 упраўленні, 2 інспекцыі, па адным аддзеле і сектары.

Задачы

1. парадкаванне сельскагаспадарчай вытворчасці дзяржаўных устаноў;
2. стварэнне ўмоў для прыватызавання аграпрамысловай вытворчасці;
3. укараненне ў сельскай гаспадарцы дасягненняў навукі;
4. павышэнне выніковасці сельскагаспадарчай вытворчасці і перапрацоўкі сельскагаспадарчай сыравіны;
5. стварэнне ўмоў для павелічэння вытворчасці харчавання;
6. павышэнне спабораздольнасці сельскагаспадарчых тавараў за мяжой;
7. прыцягненне капіталаўкладанняў для пераабсталявання сельскагаспадарчых прадпрыемстваў;
8. забеспячэнне выканання падпарадкаванымі прадпрыемствамі планавых паказчыкаў вывазу і ўвозу сельскагаспадарчых тавараў.

Паўнамоцтвы

1. спрыянне захаванню асяроддзя ўзнаўлення рыбы;
2. распрацоўка заканадаўства аб сельскай гаспадарцы;
3. стварэнне, пераўтварэнне і касаванне падпарадкаваных устаноў;
4. узгадненне правядзення сельскагаспадарчых навуковых даследаванняў;
5. забеспячэнне вытворчасці хлеба і макаронаў;
6. распрацоўка прыёмаў сельскагаспадарчай вытворчасці на забруджаных радыёнуклідамі землях;
7. парадкаванне насенневодства, гатункавыпрабавання, пляменнай справы, меліярацыі і хімізацыі земляў, механізавання і электрыфікацыі сельскай гаспадаркі;
8. нагляд за выкананнем правілаў карыстання сельскагаспадарчым абсталяваннем і сродкамі абароны раслін;
9. ухваленне пастаноў аб бяспецы геннай інжынерыі;
10. ліцэнзаванне;
11. улік асушальных збудаванняў і рыбалоўных угоддзяў;
12. ацэнка праектаў і будаўніцтва асушальных збудаванняў;
13. ухваленне правіл бяспекі працы на падпарадкаваных прадпрыемствах;
14. нагляд за выкарыстаннем грошай урада, выдаткаваных на сельскую гаспадарку;
15. прыцягненне замежных укладанняў у сельскую гаспадарку;
16. нагляд за якасцю харчавання пры вытворчасці і захоўванні;
17. выдача пасведчанняў аб уліку генна-інжынерных гатункаў раслін, парод жывёл і штамаў непатагенных мікраарганізмаў;
18. закуп сельскагаспадарчых тавараў і паслуг;
19. ухваленне норм працы і расходу паліва ў сельскай гаспадарцы.

Гісторыя

Пасля здабыцця Беларуссю незалежнасці 25 жніўня 1991 года міністэрства больш як 4 гады працягвала кіравацца Пастановай Ураду БССР ад 12 жніўня 1991 года № 312, паводле якой міністр прызначаўся Вярхоўным Саветам. Пастановай ад 12 лютага 1996 года № 100 урад Беларусі ўхваліў новую ўставу міністэрства. Паводле дзейнай Пастановы ўраду ад 31 кастрычніка 2001 г. № 1590 міністр прызначаецца прэзідэнтам.

Кіраўніцтва

• Міністр — Ігар Вячаслававіч Брыло.
• Першы намеснік Міністра — пасада вакантная.
• Намеснік Міністра — Уладзімір Уладзіміравіч Гракун.
• Намеснік Міністра — пасада вакантная.
• Намеснік Міністра — Ала Лявонаўна Ламакіна (з 27 студзеня 2017).
• Намеснік Міністра — Іван Іванавіч Смільгінь.

Міністры сельскай гаспадаркі Беларусі

• Фёдар Мірачыцкі (1991—1994)
• Васіль Лявонаў (1994—1997)
• Іван Шакола (1997—1998)
• Юрый Мароз (1998—2000)
• Вадзім Папоў (ліпень — лістапад 2000)
• Міхаіл Русы (2001—2003)
• Зянон Ломаць (ліпень — снежань 2003)
• Васіль Дваранінавіч (2003—2004)
• Леанід Русак (2004—2008)
• Сямён Шапіра (2008—2010)
• Міхаіл Русы (2010—2012)
• Леанід Заяц (2012—2019)
• Анатоль Хацько (2019—2020)
• Іван Крупко (2020 — 2021)
• Ігар Брыло (з 2022)

Спасылкі

• Міністэрства сельскай гаспадаркі і харчавання Беларусі (руск.)