Пётр Аляксеевіч Чудзінаў

З пляцоўкі Вікіпедыя
Jump to navigation Jump to search
Пётр Аляксеевіч Чудзінаў
Chudinov Pyotr Alekseyevich.jpg
Дата нараджэння 11 лістапада 1917(1917-11-11)
Месца нараджэння
Дата смерці 23 кастрычніка 1943(1943-10-23) (25 гадоў)
Месца смерці
Прыналежнасць Flag of the Soviet Union.svg СССР
Род войскаў артылерыя
Гады службы 19381943
Званне
Капітан
Бітвы/войны Вялікая Айчынная вайна
Узнагароды і прэміі
Герой Савецкага Саюза
ордэн Леніна
Commons-logo.svg Пётр Аляксеевіч Чудзінаў на Вікісховішчы

Пётр Аляксеевіч Чудзінаў (11.11.1917 — 23.10.1943) — камандзір батарэі 279-га гвардзейскага лёгкага артылерыйскага палка 23-й лёгкай гвардзейскай артылерыйскай брыгады 5-й гвардзейскай артылерыйскай дывізіі 4-га артылерыйскага корпуса прарыву 61-й арміі Беларускага фронту, гвардыі капітан. Герой Савецкага Саюза.

Біяграфія[правіць | правіць зыходнік]

Нарадзіўся 11 лістапада 1917 года ў вёсцы Баева цяпер Баеўскага раёна Алтайскага краю. Член ВКП(б)/КПСС з 1942 года. Скончыў няпоўную сярэднюю школу. Працаваў у калгасе.

У 1938 годзе прызваны ў шэрагі Чырвонай Арміі. Скончыў Томскае артылерыйскае вучылішча. У баях Вялікай Айчыннай вайны з 1942 года. Ваяваў на Бранскім, Беларускім франтах.

18 кастрычніка 1943 года камандзір батарэі 279-га гвардзейскага лёгкага артылерыйскага палка гвардыі капітан П. А. Чудзінаў у ліку першых пераправіўся з батарэяй на самаробнай пароме праз Дняпро у раёне вёскі Глушэц Лоеўскага раёна Гомельскай вобласці. Адбіваючы контратакі праціўніка, артылерысты знішчылі штурмавую гармату, да пятнаццаці кулямётаў, шмат жывой сілы праціўніка, чым спрыялі замацаванню захопленай мяжы. 23 кастрычніка 1943 года артылерысты ўступілі ў рукапашную сутычку з гітлераўцамі, якія прарваліся, і адстаялі сваю пазіцыю. У гэтым баі артылерыст Пётр Аляксеевіч Чудзінаў загінуў. Пахаваны ў горадзе Чарнігаў у брацкай магіле ў парку на Вале.

Указам Прэзідыума Вярхоўнага Савета СССР ад 24 снежня 1943 года за мужнасць і гераізм, праяўленыя пры фарсіраванні Дняпра і ўтрыманні плацдарма на яго правым беразе гвардыі капітану Пятру Аляксеевічу Чудзінаву пасмяротна прысвоена званне Героя Савецкага Саюза.

Узнагароджаны ордэнам Леніна, медалямі.

Бюст Героя ўстаноўлены ў вёсцы Баева, дзе яго імем названа вуліца.

Літаратура[правіць | правіць зыходнік]

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Юные герои Витебщины. Минск, 1980.

Спасылкі[правіць | правіць зыходнік]

Пётр Аляксеевіч Чудзінаў на сайце «Героі краіны»

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.