Пётр Міхайлавіч Розынка

Пётр Міхайлавіч Розынка
Нараджэнне	25 верасня 1942(1942-09-25) (81 год) Логавінцы, Юнькаўскі сельсавет, Пастаўскі раён, Вілейская вобласць, БССР, СССР
Адукацыя	Віцебскі ветэрынарны інстытут (1965)
Месца працы	Клімавіцкі дзяржаўны аграрны каледж Віцебская дзяржаўная акадэмія ветэрынарнай медыцыны
Узнагароды

Пётр Міхайлавіч Розынка (нар. 25 верасня 1942, в. Логавінцы Пастаўскага раёна Віцебскай вобласці) — сельскагаспадарчы работнік, дэпутат Вярхоўнага Савета Рэспублікі Беларусь.

Біяграфія

Працоўную дзейнасць пачаў у 1958 годзе ў калгасе «Сцяг Перамогі» рахункаводам трактарнай брыгады. У 1965 годзе скончыў Віцебскі ветэрынарны інстытут.

У 1965—1966 гадах служыў у Савецкай Арміі. У 1966—1969 гадах працаваў выкладчыкам Клімавіцкага ветэрынарнага тэхнікума. У 1969—1974 гадах — старшы ветэрынарны ўрач Пастаўскай ветстанцыі, асістэнт кафедры хірургіі Віцебскага ветэрынарнага інстытута, намеснік начальніка Пастаўскай райветстанцыі, галоўны ветэрынарны ўрач Пастаўскага раёна. У 1974—1983 гадах — намеснік начальніка ўпраўлення сельскай гаспадаркі Пастаўскага райвыканкама. 3 сакавіка 1983 года — старшыня калгаса імя Мічурына Пастаўскага раёна.

У 1995—1996 гадах — дэпутат Вярхоўнага Савета Рэспублікі Беларусь, з лістапада 1996 года — дэпутат Палаты прадстаўнікоў Нацыянальнага сходу Рэспублікі Беларусь, член Пастаяннай камісіі па аграрных пытаннях.

Узнагароды

Узнагароджаны ордэнам Працоўнага Чырвонага Сцяга, медалямі.

Літаратура

• Розынка, П. Пакінем нашчадкам прыгожай зямлю / П. Розынка // Пастаўскi край. — 2005. — 4 чэрв. — С. 3.
• Розынка Пётр Міхайлавіч // Памяць: Пастаўскі раён : гісторыка-дакументальныя хронікі гарадоў і раёнаў Беларусі / рэдкал.: Г. К. Кісялёў [і інш.]; уклад.: К. І. Козак, А. І. Кузняцоў; рэд.-склад. Г. К. Кісялёў; мастак Э. Э. Жакевіч. — Мінск : Белта, 2001. — С. 511.