Цела авальнае або яйкападобнае, накшталт пілюлі, прычым канечнасці могуць быць схаваныя ў спецыяльныя паглыбленні на ніжнім баку цела. Пярэднія ляшкі рассунутыя, вусікі булавападобныя, лапкі 5-членікавыя. Жук чорнага матавага колеру, даўжынёй 8-10 мм.
Жыве на лугах і іншых адкрытых месцах. Мяккацелыя лічынкі жывуць пад мохам у зямлі лугоў і газонаў. Яны акукляюцца восенню, перад зімой вылупляюцца жукі.
