Размовы:Партызанскі рух у Беларусі падчас Вялікай Айчыннай вайны
Артыкул змяшчае тэкст, перакладзены з артыкула Партизанское движение в Белоруссии во время Великой Отечественной войны з раздзела Вікіпедыі на рускай мове. Арыгінальны тэкст, як і гэты пераклад, апублікаваны на ўмовах ліцэнзій Creative Commons Attribution-ShareAlike License і GNU Free Documentation License. Пералік аўтараў знаходзіцца на старонцы гісторыі правак арыгінальнага артыкула. |
Па-першае, калі мы будзем пісаць пра агульны партызанскі рух на тэрыторыі Беларусі падчас 2-й сусветнай вайны, то не трэба пісаць Савецкі партызанскі рух у Беларусі, бо быў і польскі, і украінскі і т. зв. «зялёны», але калі мы сабраліся пісаць толькі пра савецкі, то і ў загалоўку трэба пісаць Савецкі партызанскі рух на тэрыторыі Беларусі ў гады Другой сусветнай вайны. Па-другое, у загалоўку прысутнічае Вялікая Айчынная вайна, для каго яна Айчынная!? Справа ў тым, што гэта перажыткі савецкай гістарыяграфіі, у якой не было трэцяга. Былі немцы (і іх паслугачы - калабаранты) і савецкі чалавек, які адразу ж «падняўся супраць нямецка-фашысцкіх захопнікаў». Я як гісторык магу прывесці яшчэ мноства падобных аргументаў і фактаў, якія будуць казаць пра тое, што ўсёткі трэба ўжываць Другая сусветная вайна, а не Вялікая Айчынная.--Dzianis Niadbajla (размовы) 19:30, 14 сакавіка 2012 (UTC)
- Давайце яўна сфармулюем прапанову, пад якую назву перанесці гэты тэкст. --JerzyKundrat (размовы) 05:01, 15 сакавіка 2012 (UTC)
- Была Айчынная вайна, і яна прызнаецца на вышэйшым дзяржаўным узроўні. Згодна з Вашым поглядам Вы не можаце быць незацікаўлены. Гэты артыкул будзе ў далейшым папоўняцца і яго варта аб'яднаць з ужо існуючым артыкулам, які цяпер знаходзіцца ў жудасным стане. --Navarh (размовы) 18:14, 16 сакавіка 2012 (UTC)
- Пра польскі партызанскі рух апісана ў артыкуле Армія Краёва, а таксама ў артыкуле Армія Людава. --Navarh (размовы) 18:22, 16 сакавіка 2012 (UTC)
- Другая сусветная вайна працягвалася да верасня 1945 года, калі ўжо партызан на тэрыторыі Беларусі не было. Трэба яшчэ глядзець па масавасці ўдзелу ў руху. Большасць было савецкім. --Navarh (размовы) 18:25, 16 сакавіка 2012 (UTC)
- Паважаны Navarh у мяне да Вас і да ўсёй беларускай Вікі супольнасці некалькі пытанняў-разважанняў.
- Navarh, Вы так і не адказалі на адно з галоўных маіх пытанняў: для каго яна была Айчынная!? Тых хто дапамагаў немцам налічваецца каля 1 - 1,5 млн. чал. Гэта для іх яна была Айчынная!?
- Мяркуйце добрыя намеры! А вы параўнайце колькасць колабарционистов і партызан! Гэта простая арыфметыка, паважаны. Або ў вас ёсць іншае сцвярджэнне?! --Navarh (размовы) 13:53, 18 сакавіка 2012 (UTC)
- Спадар Navarh, Вы кажыце «яна прызнаецца на вышэйшым дзяржаўным узроўні». Не трэба моцна разбірацца ў гісторыі Беларусі (і не толькі ў ёй), каб ведаць якія ў нас нормы прызнаюцца на вышэйшым узроўні! І наогул Вы ведаеце, вышэйшы дзяржаўны ўзровень - гэта такая цацка палітыкаў для недасведчанага грамадства. Вось Вам прыклад такой цацкі: улады Турцыі, да сённяшняга дня адмаўляюцца ад генацыда армян, хоць гэта ўжо даказана і навукова і археалагічна... і ўвогуле ўвесь свет кажа, што генацыд быў, а туркі на вышэйшым ўзроўні кажуць не было... І такіх «вышэйшых дзяржаўных узроўнеў» вельмі шмат.
- Адкуль Вы ведаеце былі партызаны на тэрыторыі Беларусі да верасня 1945 г. (і пасля яго) або не было!? Крыніцу скажыце калі ласка!? Адразу заўважу, што Каваленя гэта не крыніца, а падручнік для вучняў сярэдніх школ і гімназій!
- Каваленя - акадэмік-сакратар аддзялення гуманітарных навук і мастацтваў НАН Беларусі, дырэктар ДНУ «Інстытут гісторыі НАН Беларусі», доктар гістарычных навук, прафесар. Я лічу, што гэтага дастаткова. Пасля вызвалення тэрыторыі Беларусі партызан ўжо не было, расфармавалі. --Navarh (размовы) 13:53, 18 сакавіка 2012 (UTC)
- Цяпер пяройдзем непасрэдна да зместу артыкула. «Партызанскі рух на тэрыторыі Беларусі меў агульнанародны характар» - цікавы факт, адкуль ён узят!? І увогуле Вы ведалі, што партызанскі рух да практычна лета 1942 г. гэта такая цікавая з'ява на тэрыторыі Беларусі. Што практычна да гэтага перыяда народны ппартызанскі рух не існаваў, і мясцовае насельніцтва абыякава ставілася да партызан. Гэты факт даказвае: колькасць партызан да лета 1942 г. (вы самі прывялі прыклад «Да канца 1941 года ў радах партызан ваявалі 12 000 чалавек у 230 атрадах»), дзейнасць нямецкіх акупацыйных улад, якія да гэтага перыяда не ведалі, што такое «агульнанародны партызанскі рух» (пра гэта сведчаць данясенні ў Берлін, яны знаходзяцца ў адным з фондаў НАРБ).
- «Фашысты», «нямецка-фашысцкія» і г.д. Знайдзіце мне хоць аднаго «фашыста» ў шэрагах нямецкай арміі, паліцыі парадку і СС. Яны былі нацыянал-сацыялістамі! Фашысты былі ў Італіі, а Германіі - нацыянал-сацыялізм (або нацысты), тыя хто дапамагаў немцам - гэта калабарацыя (украінская, прыбалтыйскіх краін і г.д.), краіны-сатэліты аўтарытарных рэжымаў (напрыклад Венгрыя пры Хорці, і Румынія пры Антанэску не былі фашысцкімі або нацысцкімі дзяржавамі, яны былі аўтарытарнымі краінамі), якія падтрымлівалі Трэці Рэйх і г.д.
- Калі Вы выкарыстоўваеце, такія факты, як напрыклад «выкарыстоўвалі дзяцей у якасці донараў крыві», то спасылка на Каваленю гэта не сур'ёзна! Хоць бы трэба на нейкую спецыялізаваную манаграфію спасылку ставіць, а не на агульны падручнік для дзяцей і студэнтаў
- Пакуль што спынімся хоць бы на гэтым:)--Dzianis Niadbajla (размовы) 10:49, 18 сакавіка 2012 (UTC)
- Спадар Navarh! Па-першае.ю Я добра ведаю хто такі Спадар Каваленя, і нават у мяне з ім прыблізна 3 гады назад адбылася дыскусія па пытанні плану Ост, і ролі ў ім беларусаў! (гэта адбылося калі ён прэзентаваў сваю кнігу, якой Вы зараз апелюеце). Уласнаручна Спадар Каваленя адказваючы на маі пытанні, сказаў, што гэта ўсяго лішь дапаможнік для школьнікаў і студэнтаў, не больш ні меньш. Таму апеляваць у дадзеным выпадку трэба манаграфіямі, а не дапаможнікамі! Па-другое, тое што ён ў апошні час стаў ідэалагічным бюракратам, гэта я таксама ведаю. І тое што ён ім з'яўляецца не дастаткова. Дастаткова, калі апеляваць, яго манаграфіямі, а пасада ёсць пасада, ніякага навуковага значэння яна не нясе. Прэзідэнт РБ А. Лукашэнка таксама займае пасаду, аднак гэта не гаворыць аб тым, што трэба перапісваць гісторыю Ф. Скарыны, і пісаць, што ён друкаваўся ў С.-Пецярбурзе, толькі таму, што ён займае пасаду! Паважаны спадар а астатнія пытанні. І апошняе, Я гісторык па спецыяльнасці, і ў мяне ў вывучэнні і падыходзе да гісторыі толькі добрыя намеры і ніякіх больш.--Dzianis Niadbajla (размовы) 14:48, 18 сакавіка 2012 (UTC)