Рак малочнай залозы

З пляцоўкі Вікіпедыя
Jump to navigation Jump to search
Рак малочнай залозы
Breast DCIS histopathology (1).jpg
МКХ-10 C50
МКБ-10-КМ C50 і C50-C50
OMIM 114480
DiseasesDB 1598
MedlinePlus 000913
Commons-logo.svg Рак малочнай залозы на Вікісховішчы

Рак малочнай залозы — утварэнне ракавай пухліны ў тканках малочнай залозы.

Пры выяўленні пухліны выконваюць рэнтгеналягічнае абследаванне (мамаграфію). Для ўстанаўленьня дабра- або злаякаснасці пухліны робяць ультрагукавое даследаванне і праводзяць забор (біяпсію) яе кавалка іголкай для даследавання пад мікраскопам. Затым ажыццяўляюць хірургічнае выдаленне пашкоджанага пухлінай органа. Прынамсі выдаляюць частку малочнай залозы з пухлінай і лімфавузламі падпахавай вобласці з таго ж боку пры спадарожным правядзенні прамянёвай тэрапіі ў вобласці хірургічнага ўмяшання. Пры вялікім памеры пухліны выдаляюць малочную залозу, грудныя мускулы і ссудзіны. Пры меншым памеры выдаляюць малочную залозу з тлушчавай абаломінай і лімфавузламі падпахавай вобласці з таго ж боку[1].

Папярэджанне[правіць | правіць зыходнік]

Прадухіленню хваробы спрыяюць роды і грудное выкормліванне працягласьцю звыш году, бо падчас цяжарнасці і пасля родаў, пакуль доўжыцца грудное выкормліванне, зніжаецца актыўнасць плоцевага гармона эстрагена[1].

Чыннікі[правіць | правіць зыходнік]

Узнікненню хваробы спрыяе ранні пачатак і нерэгулярнасць плоцевага жыцця, аборт (асабліва ва ўзросце да 18 гадоў) і адсутнасць груднога кармлення. Адмоўнае ўздзеянне аказваюць стрэс, ультрафіялетавае выпраменьванне і траўма грудзі ў побыце, за стырном і пры занятках спортам[2]. Таксама нядужасці спрыяюць мастыт і атлусценне. Вядучую ж ролю ў развіцці хваробы адыгрывае лішак плоцевага гармону — эстрагену, да перанасычанасці якім прыводзіць у прыватнасці аборт[1]. Адпавядна шкодзіць працяглая адсутнасць родаў (да 30 гадоў) у дзетародным узросце і бяздзетнасць па дасягненні менапаўзы (каля 50 гадоў)[3].

Праявы[правіць | правіць зыходнік]

Хвароба можа выяўляцца праз крывацёк са смочкі і ўшчыльненне ў грудзях[3].

Беларусь[правіць | правіць зыходнік]

У 2012 годзе рак малочнай залозы быў найбольш распаўсюджаным відам раку сярод жанчынаў Беларусі. Пагатоў на рак малочнай залозы прыпала каля 18% смяротнасці ад злаякасных новаўтварэнняў у жанчынаў[2].

Зноскі

  1. 1,0 1,1 1,2 Святлана Барысенка. Што там за вузельчык // Звязда : газета. — 24 кастрычніка 2017. — № 204 (28568). — С. 11. — ISSN 1990-763x.
  2. 2,0 2,1 Святлана Барысенка. Даўно правяралі малочную залозу // Краіна здароўя. — 10 жніўня 2013. — № 7 (308). — С. 5.
  3. 3,0 3,1 Святлана Барысенка. Скрынінг раку // Звязда : газета. — 23 красавіка 2009. — № 76 (26434). — С. 6. — ISSN 1990-763x.

Спасылкі[правіць | правіць зыходнік]