Карпы (род)
(Пасля перасылкі з Род Карпаў)
Ка́рпы — беларускі шляхецкі род уласнага геpба. Паводле легенды, паходзілі ад італьянскага рода Карпіа. Першы вядомы прадстаўнік роду — гаспадарскі дваранін Карп Есіпавіч, якому ў 1522 годзе вялікі князь Жыгімонт Стары даў Ятвезскае і Забельскае войтаўствы; валодаў маёнткамі ў Троцкім павеце. Ад яго ўнукаў Юзафа і Мікалая пайшлі 2 лініі Карпаў: старэйшая (родавае гняздо — Бярозавае, мелі маёнткі ў Падляшскім і Новагародскім ваяводствах; згасла ў 17 ст.) і малодшая (родавае гняздо — Рыкіёў , мелі маёнткі ў Троцкім ваяводстве і Жамойці).
У Расійскай імперыі род Карпаў унесены ў VI частку радаводных кніг Віленскай губерні.
Найбольш вядомыя[правіць | правіць зыходнік]
- Юзаф Карп (? — пасля 1637), ваўкавыскі маршалак.
- Стафан Карп (? — 1657), ваўкавыскі маршалак.
- Юзаф Міхал Карп (каля 1679—1739), падстолі смаленскі (1703—1720), вялікі духоўны сакратар літоўскі (1724—1736), біскуп жамойцкі.
- Ян Зыгмунт Карп (каля 1680 — каля 1740), палкоўнік, генеральны крыгскамісар (галоўны кватэрмайстар) войска ВКЛ.
- Бенядзікт Карп (1734—1805), харужы упіцкі, удзельнік паўстання 1794 года.
- Маўрыцый Францішак Карп (1749—1817) — паэт і публіцыст, удзельнік паўстання 1794 года.
Літаратура[правіць | правіць зыходнік]
- Валерый Пазднякоў. Карпы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.
Спасылкі[правіць | правіць зыходнік]
- На Вікісховішчы пакуль няма медыяфайлаў па тэме, але Вы можаце загрузіць іх