Юзаф Міхал Карп

Юзаф Міхал Карп
Юзаф Міхал Карп
	Карп
6-ы сакратар вялікі духоўны літоўскі
	18 лістапада 1724 — студзень 1736
Папярэднік	Міхал Геранім Анцута[d]
Пераемнік	Антоні Дамінік Тышкевіч
біскуп жамойцкі
	з 19 лістапада 1736
Дыяцэзія	Жамойская дыяцэзія
Папярэднік	Аляксандр Мікалай Гараін
Пераемнік	Антоні Дамінік Тышкевіч
Дзейнасць	каталіцкі святар, каталіцкі дыякан, дзяржаўны служачы, каталіцкі біскуп
Нараджэнне	каля 1679, 1679 ці не пазней за 5 мая 1679
Смерць	10 снежня 1739; Трокі, Троцкі павет, Троцкае ваяводства, Вялікае Княства Літоўскае або ; Бездзеж, Бездзежскі сельсавет, Драгічынскі раён, Беларусь;
Пахаванне	Варні;
Дынастыя	Карпы
Бацька	Стэфан Казімір Карп
Маці	Ганна Барбара з Гадлеўскіх[d]
	Медыяфайлы на Вікісховішчы

Юзаф Міхал Карп (Іазафат Міхал; каля 1679 — 10 снежня 1739) — рэлігійны дзеяч Вялікага Княства Літоўскага.

Біяграфія

Паходзіў са шляхецкага роду Карпаў уласнага герба «Карп». Нарадзіўся ў сям’і Стафана Казіміра.

Падстолі смаленскі ў 1703—1720 гадах, сакратар канцлера вялікага літоўскага К. С. Радзівіла ў 1706—1709 гадах. У Паўночную вайну 1700—1721 гадоў перайшоў на бок Станіслава Ляшчынскага і ў 1707 годзе быў вымушаны пакінуць Вялікае Княства Літоўскае. Сакратар Ляшчынскага ў 1708—1711 гадах, пры ім быў фактычна канцлерам, замяшчаў адсутнага Радзівіла. У 1714 годзе ўдзельнічаў у пасольстве да Пятра I, мэтай якога было атрымаць падтрымку цара ў дэтранізацыі Аўгуста II.

3 1719 года святар, віленскі канонік (1720), кусташ (1722), пробашч троцкі, прэпазіт гарадзенскі (1735). У 1724—1736 гадах вялікі духоўны сакратар літоўскі. Выступаў супраць абсалютысцкіх планаў Аўгуста II. У час бескаралеўя 1733 года падтрымліваў кандыдатуру на трон Станіслава Ляшчынскага. 3 1736 года біскуп жамойцкі.

Валодаў мястэчкам Бездзеж у Пінскім павеце, маёнткамі ў Жамойці.

Валерый Пазднякоў. Карпы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.