Сакі (Гайнаўскі павет)

Сакі
Краіна	Польшча
Ваяводства	Падляскае
Павет	Гайнаўскі
Гміна	Кляшчэлі
Каардынаты	52°37′46″ пн. ш. 23°19′55″ у. д.HGЯO
Насельніцтва	135 чалавек
Часавы пояс	UTC+1, летам UTC+2
Тэлефонны код	+48 85
Паштовы індэкс	17-250
Аўтамабільны код	BHA
	Медыяфайлы на Вікісховішчы

Сакі (польск.: Saki, па-падляску: Sakí) — вёска ў Гайнаўскім павеце Падляскага ваяводства Польшчы. Знаходзіцца ў гміне Кляшчэле. Вёска прыкладна ў роўных частках населена людзьмі праваслаўнага і каталіцкага веравызнання (парафія св. Зыгмунта ў Кляшчэлях).

Гісторыя

Гісторыя вёскі Сакі пачынаецца ў XV стагоддзі, калі яна была заснавана як паселішча путных баяраў Бельскага замка. З часам яна падзялілася на дзве часткі. Адна частка вёскі належала да дробнай шляхты, нашчадкаў былых баяраў. Другая частка разам з дваром была сялянскай вёскай.

1567 — Першая згадка пра вёску ў вопісе войска ВКЛ. Эльяш Сямёнавіч Сакоўскі паставіў для войска 1 каня.
1572 — Сакоўцы — дэ-Сакі, Тымафей, Еўдакім, Сачко, Дымітр, Грынь, Фёдар.
1595 — Сакоўцы ставяць капліцу ў гонар святога Дзімітрыя.
1727 — Першыя пацверджаныя крыніцамі звесткі пра царкву ў Саках.
1784 — Уладальнікам двара Сакі з’яўляецца шляхціц Юзаф Лявіцкі, сын пінскага харужага Адама Лявіцкага.
1793 — Уладальнікам двара Сакі з’яўляецца Фларыян Цяшкоўскі, кляшчэлеўскі стараста і ад’ютант Браніцкага.
1795 — у выніку трэцяга падзелу Рэчы Паспалітай стала часткай Прусіі.
1806 — У дваранскай частцы вёскі жыве 19 гаспадароў (нашчадкі былых баяраў) і членаў іх сем’яў.
1807 — Частка Расійскай імперыі.
1835 — Уладальнікам двара Сакі з’яўляецца Тамаш Крынскі.
1846 — У маёнтку Сакі Томаша Крынскага быў 51 мужчына і 43 жанчын.
1864 — Караліна Крынская падпісала акт разняволення 16 гаспадароў (былых прыгонных).
1887 — Заснаваная прыцаркоўная школа. У 1899 годзе яе наведвалі 14 дзяцей з Сакаў.
1913 — Прымусовы аўкцыён маёнтка Сакі.
1928 — 26 жыхароў Сакаў аб’ядналі свае зямельныя надзелы.
1936 — Аб’яднанне надзелаў. Іх плошча на момант кансалідацыі склала 862,712 га.
1939—1945 — У гады Другой сусветнай вайны некалькі сем’яў былі дэпартаваныя ў Савецкі Саюз ці працаваць у Германіі.
1956 — Будаўніцтва новага будынка пачатковай школы. У 1988—1990 гадах у школе быў грунтоўны рамонт.
1960 — Заснаваны фермерскія кааператывы.
1968 — Заснаваная добраахвотная пажарная брыгада.