Сапрапеліты

Сапрапелі́ты, сапрапелевыя вуглі — выкапнёвыя вуглі, утвораныя у выніку пераўтварэння рэшткаў ніжэйшых раслін і жывёл.

Пласты сапрапеліту

Уяўляюць сабой аднародныя, цвёрдыя і вязкія пароды цёмна-карычневага, шаравата-чорнага колеру. Утрымліваюць 55—60 % (60—90) лятучых рэчываў.

Вылучаюць:

• уласна сапрапеліты,
• гуміта-сапрапеліты,
• сапрапеліты-гуміты.

Сустракаюцца ў выглядзе пластоў або лінз у пластах гумалітаў, якія прайшлі буравугальную або пачатковыя этапы каменна-вугальнай стадыі метамарфізму. Здабываюцца адначасова са здабычай бурых вуглёў. Выкарыстоўваюцца ў якасці паліва і сыравіны ў хімічнай прамысловасці.

Літаратура

• Сапрапеліт // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 173. — 10 000 экз. — ISBN 985-11-0035-8. — ISBN 985-11-0238-5 (т. 14).
• В. Успенский, О. Радченко Сапропелиты // Вялікая савецкая энцыклапедыя (руск.)

Спасылкі

• Сапропелиты // XuMuK.ru (руск.)