Свабодная Карэя (партыя)

З Вікіпедыі, свабоднай энцыклапедыі
Партыя «Свабодная Карэя»
кар.: 자유한국당 Чаюхангуктан
Выява лагатыпа
Лідар Kim Hee-ok[d]
Дата заснавання 1997
Дата роспуску 17 лютага 2020
Штаб-кватэра Сцяг Паўднёвай Карэі Рэспубліка Карэя: Сеул, Йондынпхогу, Кукхведэро-70-кіль, 18
Краіна
Ідэалогія Кансерватызм
Інтэрнацыянал
Колькасць членаў 2 708 085
Дэвіз Новы свет, дзе народы становяцца адзіныя (국민이 하나되는 새로운 세상)
Месцаў у ніжняй палаце
94 / 300
Сайт libertykoreaparty.kr
Лагатып Вікісховішча Медыяфайлы на Вікісховішчы

Партыя «Свабодная Карэя» (кар.: 자유한국당 Чаюхангуктан) — кансерватыўная палітычная партыя правага толку ў Рэспубліцы Карэя, кіруючая партыя краіны. Назвы партыі з 1997 па 2012 — «Партыя вялікай краіны» (кар.: 한나라당 Ханнарадан), з 2012 па 2017 — «Партыя новых рубяжоў» (кар.: 새누리당 Сэнурыдан[1][2]).

Партыя была заснавана ў 1963 годзе пад назвай Дэмакратычнай рэспубліканскай партыі (кар.: 민주공화당), тады яе лідарам быў Пак Чонхі. Пасля забойства Пака новым лідарам стаў Чон Духван, які перайменаваў яе ў Дэмакратычную партыю справядлівасці (кар.: 민주정의당민주정의당). 9 лютага 1990 года яна злучылася з Дэмакратычнай партыяй уз’яднання і Новай дэмакратычнай рэспубліканскай партыяй, сфарміраваўшы Дэмакратычную ліберальную партыю. Новая назва «Партыя вялікай краіны» партыя атрымала ў лістападзе 1997 года.

Па выніках парламенцкіх выбараў 2004 года партыя пацярпела паражэнне, атрымаўшы толькі 121 месца з 299. Аднак ужо ў 2007 г. партыя адыгралася за паражэнне, паколькі на прэзідэнцкіх выбарах з буйной перавагай перамог кандыдат гэтай партыі Лі Мёнбак.

2 лютага 2012 года «Партыя вялікай краіны» вырашыла прыняць новае імя і надалей называцца «Партыя новых рубяжоў».

Пад гэтым імем яна атрымала перамогу на выбарах 2012 года, атрымаўшы 152 з 300 месцаў у парламенце[3]. На прэзідэнцкіх выбарах 2012 года ад партыі была вылучана Пак Кынхе.

На парламенцкіх выбарах 2012 года Пак Кынхе прывяла партыю да перамогі, і партыя атрымала большасць у парламенце (152 месцы з 300). Гэта павысіла ролю Пак Кынхе ўнутры партыі як кандыдата на прэзідэнцкіх выбарах.

Выбары кандыдата ў прэзідэнты ад Партыі новых рубяжоў прайшлі 20 жніўня 2012 года. Пак Кынхе перамагла сваіх супернікаў, атрымаўшы 83,97 % галасоў (86 589 з 103 118), і была выбрана кандыдатам у прэзідэнты ад партыі. На ўсенародных выбарах 19 снежня Пак Кынхе набрала 51,55 % галасоў выбаршчыкаў.

Дачка заўчасна загінулых ад рукі тэрарыстаў Пак Чонхі (забойца: Кім Джэгю) і Юк Ёнсу (забойца: Мун Сегван) стала першай у гісторыі Рэспублікі Карэя жанчынай-прэзідэнтам — інаўгурацыя адбылася 25 лютага 2013 года.

На выбарах у Нацыянальны сход 20-га склікання, якія адбыліся 13 красавіка 2016 года, пацярпела паражэнне. Лідар партыі Кім Мусон абвясціў пра сыход у адстаўку з пасады лідара партыі[4].

8 лютага 2017 года партыя вырашыла прыняць новае імя і надалей называцца «Свабодная Карэя»[5].

Зноскі[правіць | правіць зыходнік]

  1. Журнал «Планета»: «Папина дочка». Январь 2013
  2. Под материнской дланью (руск.)(недаступная спасылка). Архівавана з першакрыніцы 26 лістапада 2015. Праверана 17 сакавіка 2017.
  3. "Правящая партия выиграла парламентские выборы в Южной Корее"(руск.). Лента.Ру. 12 красавіка 2012.
  4. "김무성 "선거 패배 책임지고 당 대표직 물러나겠다"". Кёнхян сінмун. 14 красавіка 2016.
  5. "Правящая партия Сэнури решила изменить название"(руск.). KBS World Radio Russian Service. 9 лютага 2017. Архівавана з арыгінала 7 мая 2021. Праверана 17 сакавіка 2017.