Свята-Міхайлаўская царква (Бародзічы)

Праваслаўны храм
Свята-Міхайлаўская царква
52°09′59″ пн. ш. 24°43′14″ у. д.
Краіна	Беларусь
Вёска	Бародзічы
Канфесія	Праваслаўе
Епархія	Брэсцкая і Кобрынская епархія
Будаўніцтва	2000
Стан	дзейнічае
Медыяфайлы на Вікісховішчы

Свята-Міхайлаўская царква — мураваны праваслаўны храм у в. Бародзічы Кобрынскага раёна Брэсцкай вобласці.

Гісторыя

У 1766 годзе ў Бародзічах упершыню ўзгадваецца царква. У 1791 годзе тут быў збудаваны новы храм. Службы праводзіліся ў храме да 1960 года. У 1966 годзе царкоўны будынак разабралі для будаўніцтва школьнай спортзалы ў суседнім сяле Грушава.

У 1992 годзе было вырашына адбудаваць царкву на месцы папярэдняга драўлянага храма. Царква была асвячона ў ліпені 2000 года.

Архітэктура

Твор архітэктуры ў стылізаваных формах старажытнарускага царкоўнага дойлідства. Вырашана па канону 4-часткавага праваслаўнага храма падоўжна-восевай аб’ёмна прасторавай кампазіцыі: 2-ярусная (васьмярык на чацверыку) званіца над прытворам, працяглая прамавугольная ў плане малітоўная зала, 2-схільны дах над якой завершаны цыбулепадобным купалам на 8-гранным барабане. 2-слуповы ганак завершаны 3-лопасцевым франтонам.

Трайныя прамавугольныя аконныя праёмы на бакавых фасадах дэкарыраваны трохвугольны-мі сандрыкамі і адзначаны такімі ж зломамі даху.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• Свята-Міхайлаўская царква (Бародзічы) на сайце Глобус Беларусі (руск.)