Свята-Петра-Паўлаўская царква (Празарокі)

Праваслаўны храм
Свята-Петра-Паўлаўская царква
55°17′38,71″ пн. ш. 28°12′50,75″ у. д.
Краіна	Беларусь
Аграгарадок	Празарокі
Канфесія	Праваслаўе
Епархія	Полацкая і Глыбоцкая
Благачынне	Глыбоцкае
Архітэктурны стыль	псеўдарускі
Дата пабудовы	1909 год
Статус	Гісторыка-культурная каштоўнасць Беларусі, шыфр 213Г000408
Стан	дзейнічае
Медыяфайлы на Вікісховішчы

Свята-Петра-Паўлаўская царква — праваслаўны храм, знаходзіцца на заходняй ускраіне аграгарадка Празарокі (Глыбоцкі раён). Пабудавана ў 1909 годзе ў маёнтку генерал-маёра П. Мухіна з цэглы.

Помнік архітэктуры сінадальнага кірунку рэтраспектыўна-рускага стылю.

Архітэктура

Аб’ёмна-прасторавая кампазіцыя царквы складаецца з рознавялікіх аб’ёмаў: 2-яруснай шатровай званіцы (васьмярык на чацверыку) над прытворам, кароткай трапезнай, кубападобнай малітоўнай залы, 5-граннай апсіды з бакавымі рызніцамі. У агульнай кампазіцыі дамінуюць цыбулепадобныя галоўкі званіцы і цэнтральнага аб’ёму. Арачныя аконныя праёмы дэкарыраваны кілепадобнымі броўкамі, контуры фасадаў акаймаваны вуглавымі лапаткамі і калонкамі, аркатурнымі фрызамі.

Галерэя

• Сучасныя здымкі
• 
  Агульны выгляд
• 
  Уваход
• 
  Бакавы фасад
• 
  З боку апсіды

Літаратура

• Царква ў імя святых апосталаў Пятра і Паўла // Кулагін, А.М. Праваслаўныя храмы Беларусі : энцыклапедычны даведнік / А.М. Кулагін. – Мн., 2007. – С. 337-338.

Спасылкі

• Свята-Петра-Паўлаўская царква (Празарокі) на сайце Глобус Беларусі (руск.)
• Свята-Петра-Паўлаўская царква (Празарокі) на сайце Radzima.org
• Свята-Петра-Паўлаўская царква (Празарокі) на сайце Праваслаўная архітэктура Беларусі (бел.)
• Свята-Петра-Паўлаўская царква (Празарокі) на сайце «Архіварта»