Смалячкова

Населены пункт Смалячкова Сцяг Краіна Расія Суб’ект федэрацыі Санкт-Пецярбург Каардынаты 60°10′48″ пн. ш. 29°28′33″ у. д. Насельніцтва ▼827 чал. (2023) Паштовыя індэксы 197729 Код АКАТП 40281557 Афіцыйны сайт mo-smol.ru Смалячкова на карце Расіі ±

Медыяфайлы на Вікісховішчы

Смалячкова (фінск.: Lautaranta — «Плытавы бераг») — пасёлак у Расіі, унутрыгарадское муніцыпальнае ўтварэнне ў складзе Курортнага раёна горада федэральнага значэння Санкт-Пецярбурга.

Названы ў 1948 годзе ў гонар Героя Савецкага Саюза снайпера Феадосія Смалячкова, які загінуў пад Пулкавым у 1942 годзе. Да гэтага — вёска Лаўтаранта (частка вёскі Іна), Інанкуля — назва перакладаецца як «Дошкавы бераг», магчыма тут, калісьці быў склад з дошкамі. Смалячкова з’яўляецца самай аддаленай ад цэнтра Санкт-Пецярбурга адміністрацыйна падпарадкаванай гораду тэрыторыяй, размяшчаючыся на 70-74 кіламетрах Прыморскай шашы.

У пасёлку знаходзіцца помнік культурна-гістарычнай спадчыны рэгіянальнага ўзроўню аховы Ціхі бераг.