Сямён Война

З пляцоўкі Вікіпедыя
Jump to navigation Jump to search
Сямён Война
Symon Vojna. Сымон Война (1595).jpg
 
Веравызнанне праваслаўе
Смерць 1599
Дынастыя Род Войнаў-Грычынавічаў
Бацька Война Мацвеевіч Грычына[d]
Жонка Фядора з Маноўскіх[d]
Дзеці Абрагам Война, Мацей Война і Вінцэнт Война

Сямён Войнавіч Грычынавіч (?—1599) — маршалак гаспадарскі (1584—1588), кашталян мсціслаўскі (1588—1599); цівун ужвенцкі (з 1567), дзяржаўца паштоўскі, паморскі, палангскі, горждаўскі.

З роду Войнаў-Грычынавічаў, сын кашталяна мсціслаўскага Войны Мацвеевіча Грычыны і Багданы з Любельскіх. Выслужыў у вял. кн. Жыгімонта Аўгуста маёнткі ў Жамойці. У 1583 годзе, на памяць пра летась памёрлага бацькі, заказаў звон для царквы ў Моладаве, сваім вотчынным маёнтку. У 1599 годзе склаў тастамент, важную крыніцу па генеалогіі роду Войнаў-Грычынавічаў, апублікаваны ўпершыню Спрогісам у канцы XIX ст.

Жанаты быў прынамсі двойчы, першы раз з Фядорай Фёдараўнай з Маноўскіх, другі з Гальшкай Севасцьянавай. У першым шлюбе нарадзіліся сыны Мацей, Вінцэнт, Андрэй, Бенедыкт і дочкі Аўдоцця, Марына, Ганна. У другім шлюбе — сыны Рыгор, Аляксандр і дочкі Варвара, Алена. Гэтых дзяцей ён згадвае ў сваім тастаменце. Вядома, аднак, яшчэ трое яго сыноў «Сямёнавічаў, кашталянічаў мсціслаўскіх» — Юрый, Васіль і Абрам, праз якія прычыны яны не згадваюцца ў тастаменце і хто іх маці невядома.

Літаратура[правіць | правіць зыходнік]

  • Спрогис И. Духовное завещание мстиславского каштеляна Семена Войны — 1599 г., 1-го марта // Чтения в Историческом обществе Нестора-летописца. Киев, 1898. Кн. 12.