Сяргей Пяткевіч
| Сяргей Пяткевіч | |
|---|---|
| Род дзейнасці | эканаміст, грамадскі дзеяч |
| Дата нараджэння | 26 верасня 1959 (64 гады) |
| Месца нараджэння | |
| Альма-матар | |
| Узнагароды і прэміі |
 |
Сяргей Пяткевіч (нар. 26 верасня 1959, Казахстан) — дзеяч беларускай эміграцыі ў Вялікабрытаніі.
Біяграфія[правіць | правіць зыходнік]
Нарадзіўся 26 верасня 1959 года ў Казахстане ў беларускай сям’і, разам з якой у хуткім часе вярнуўся ў Мінск. У 1980 г. скончыў Беларускі дзяржаўны інстытут народнай гаспадаркі. Да 1996 г. працаваў у Навукова-даследчым інстытуце эканомікі сельскай гаспадаркі ў Мінску[1].
У 1994 г. атрымаў стыпендыю на навучанне па магістарскай праграме ў Каралеўскім сельскагаспадарчым каледжы ў Сайрэнсестэры (Вялікабрытанія)[1].
Па атрыманні ступені магістра ў 1995 г. вярнуўся ў Мінск, дзе стаў працаваць экспартам групы маніторынгу праграмаў TACIS у Беларусі і прадстаўніком амерыканскага фонду The Eurasia Foundation[1].
У 1998 г. атрымаў стыпендыю на навучанне па доктарскай праграме ва ўніверсітэце Рэдынгу (Вялікабрытанія) і перабраўся разам з сям’ёй у Вялікабрытанію на сталае жыхарства. Потым пераехаў у Лондан[1].
З 2000 г. з’яўляецца сябрам ЗБВБ. Ад 2003 г. — пастаянны сакратар і скарбнік арганізацыі. Займаецца падрыхтоўкай Камунікатаў ЗБВБ. Ад 2001 г. — сакратар Беларускага дабрачыннага фонду[1].
Узнагароды[правіць | правіць зыходнік]
Узнагароджаны медалём Ордэна Пагоні (2024)[2].
Зноскі
- ↑ а б в г д Эміграцыйная гісторыя ў асобах. 26 жніўня. Сяргей Пяткевіч
- ↑ Рада БНР узнагародзіла розных дзеячоў за заслугі перад беларускім народам . Рацыя (25 сакавіка 2024). Праверана 25 сакавіка 2024.