Таміслаў Кіш

Таміслаў Кіш
Нарадзіўся	4 красавіка 1994(1994-04-04) (31 год) Заграб, Харватыя
Грамадзянства	Харватыя
Рост	180 см
Пазіцыя	нападнік
Інфармацыя пра клуб
Клуб	Зрыньскі
Нумар	10
Маладзёжныя клубы
2002—2005 Дубрава (Заграб) 2005—2008 Дынама (Заграб) 2008—2011 Краацыя (Сесветэ) 2011—2011 Хайдук (Спліт)
Клубная кар’ера
2012—2015 Хайдук (Спліт) 31 (5) 2014 →  Дугаполе 4 (4) 2014 →  Горыца 17 (12) 2015 →  Заўрч 14 (6) 2015—2017 Кортрэйк 17 (2) 2016—2017 →  Серкль Бругэ 24 (7) 2017—2018 Шахцёр (Салігорск) 22 (6) 2018 Дугаполе 6 (1) 2019—2021 Жальгірыс (Вільнюс) 64 (35) 2020 →  Сонам 14 (3) 2022 Мезёкёвешд 18 (1) 2023— Зрыньскі (Мостар)
Нацыянальная зборная
2011 Харватыя (да 17) 3 (0) 2011—2013 Харватыя (да 19) 10 (7) 2012—2013 Харватыя (да 21) 3 (1)

Таміслаў Кіш (харв.: Tomislav Kiš; нар. 4 красавіка 1994, Заграб) — харвацкі футбаліст, нападнік баснійскага клуба «Зрыньскі» з Мостара.

Клубная кар’ера

Пачынаў займацца футболам у заграбскіх клубах «Дубрава» і «Дынама», пазней гуляў за «Краацыю» (Сесветэ), у складзе гэтай каманды ў сезоне 2010/11 стаў найлепшым бамбардзірам юнацкага чэмпіянату Харватыі з 27 галамі ў 26 матчах. Пасля перайшоў у «Хайдук» са Спліта, а ў студзені 2012 далучыўся да яго асноўнай каманды. Дэбютаваў у Першай харвацкай лізе 2 сакавіка 2012 года, выйшаўшы на поле ў канцы матча супраць «Заграба» (4:2).

Не атрымаўшы дастатковай ігравой практыкі ў «Хайдуку», у студзені 2014 года адправіўся ў арэнду ў клуб другога дывізіёна «Дугаполе». У першых трох матчах за гэты клуб адзначыўся чатыры разы, але ў чацвёртым матчы атрымаў траўму і выбыў да канца сезона. У сезоне 2014/15 выступаў на правах арэнды за «Горыцу» і славенскі «Заўрч».

Сезон 2015/16 пачаў у складзе «Хайдука», аднак неўзабаве пакінуў каманду і перайшоў у бельгійскі «Кортрэйк». Спачатку гуляў у асноўным складзе, пазней стаў часцей выхадзіць на замену ці заставацца на лаўцы запасных. У жніўні 2016 года быў аддадзены ў арэнду ў клуб другога дывізіёна «Серкль Бругэ», дзе быў асноўным нападнікам, у 24 матчах адзначыўся 7 галамі.

У ліпені 2017 года прыбыў на прагляд у беларускі клуб «Шахцёр» з Салігорска і ў выніку падпісаў кантракт. У складзе салігарчан стаў чаргаваць выхады ў стартавым складзе і на замену, за паўгады ў 12 матчах забіў 5 галоў. Сезон 2018 пачынаў у аснове, пазней стаў радзей з’яўляцца на полі, з ліпеня не гуляў з-за траўмы. У верасні 2018 года па пагадненні бакоў пакінуў салігорскі клуб.

У кастрычніку 2018 года вярнуўся ў Харватыю, папоўніўшы склад клуба «Дугаполе» з другога дывізіёна. У снежні 2018 года перайшоў у вільнюскі «Жальгірыс». Замацаваўся ў якасці асноўнага нападніка літоўскай каманды, з 27 галамі стаў найлепшым бамбардзірам A Лігі 2019. У студзені 2020 года далучыўся да паўднёвакарэйскага клуба «Сонам». У пачатку 2021 года вярнуўся з арэнды ў «Жальгірыс», дапамог клубу ў сезоне 2021 стаць чэмпіёнам і уладальнікам Кубка Літвы.

У лютым 2022 года перайшоў у венгерскі «Мезёкёвешд», а ў студзені 2023 года перабраўся ў баснійскі «Зрыньскі».

Міжнародная кар’ера

Выступаў за юнацкія і моладзевую зборную Харватыі. Увосень 2012 года ў складзе юніёрскай зборнай Харватыі ўдзельнічаў у адборачным раўндзе чэмпіянату Еўропы, дзе ў матчы з Азербайджанам забіў 5 галоў (выніковы лік 7:1).

Дасягненні

• 02 Срэбраны прызёр чэмпіянату Харватыі: 2011/12
• 03 Бронзавы прызёр чэмпіянату Харватыі: 2013/14
• Уладальнік Кубка Харватыі: 2013
• 03 Бронзавы прызёр чэмпіянату Беларусі: 2017
• 01 Чэмпіён Літвы: 2021
• 02 Срэбраны прызёр чэмпіянату Літвы: 2019
• Уладальнік Кубка Літвы: 2021
• Найлепшы бамбардзір чэмпіянату Літвы: 2019 (27 галоў)
• 01 Чэмпіён Босніі і Герцагавіны: 2023
• Уладальнік Кубка Босніі і Герцагавіны: 2023