Тбілісі-Пасажырская
| Станцыя | |
| Тбілісі-Пасажырская груз. თბილისის ცენტრალური სადგური | |
|---|---|
 | |
| Дата адкрыцця | 1872[1] |
| Адлегласць да Баку | 1621 км |
| Код станцыі | 560148 |
| Код у АСКЧТ | 560148 |
| Код у «Экспрэс-3» | 2800001 |
 Медыяфайлы на Вікісховішчы | |
Тбілісі-Пасажырская (груз. თბილისის ცენტრალური სადგური) — чыгуначная станцыя Грузінскай чыгункі, якая знаходзіцца ў горадзе Тбілісі (Грузія).
Гісторыя[правіць | правіць зыходнік]
Станцыя была адкрыта ў 1872 годзе пасля завяршэння будаўніцтва ўчастка Зестафоні — Тыфліс Поці-Тыфліскай чыгункі. На станцыі былі два пасажырскія тэрміналы: Цэнтральны і Баржомскі.
Стары будынак цэнтральнага вакзала быў пабудаваны ў 1872 годзе. Пазней ён быў знесены і ў 1952 годзе заменены будынкам у стылі сталінскага ампіру.
У 1982 годзе было прынята рашэнне аб пабудове новага будынка вакзала, а стары будынак быў прыгатаваны да зносу, аднак падмурак аказаўся настолькі трывалым, што вакзал было вырашана падарваць. Пасля падрыву будынка пачалося будаўніцтва новага будынка вакзала, якое так і не было завершана. Цяпер будынак вакзала перароблены ў шопінг-мол «Тбілісі-Цэнтрал», але невялікія па плошчы касавая зала і зала чакання рэканструяваныя і дзейнічаюць.
Баржомскі вакзал[правіць | правіць зыходнік]
Крытыя платформы Баржомскага вакзала былі пабудаваныя ў 1979 годзе. Да 2011 года ён выкарыстоўваўся як канцавая станцыя для электрацягнікоў, якія ідуць у Тбілісі з Заходняй Грузіі. 15 лютага 2011 года на Баржомскі вакзал прыбыў апошні прыгарадны цягнік. З 16 лютага 2011 года маршруты ўсіх электрацягнікоў, якія адпраўляюцца адсюль, падоўжаныя да станцыі Тбілісі-Аэрапорт, а сам вакзал быў ліквідаваны.
Зноскі[правіць | правіць зыходнік]
- ↑ Железнодорожные станции СССР. Справочник. — М.: Транспорт, 1981.
Спасылкі[правіць | правіць зыходнік]
На Вікісховішчы ёсць медыяфайлы па тэме Тбілісі-Пасажырская
