Твін Пікс

З пляцоўкі Вікіпедыя
Jump to navigation Jump to search

«Твін Пікс» (англ.: Twin Peaks) - амерыканскі драматычны тэлесерыял, створаны рэжысёрам Дэвідам Лінчам і сцэнарыстам Маркам Фростам[1][2][3]. Дзеянне серыяла адбываецца ў выдуманым мястэчку Твін Пікс на паўночным захадзе штата Вашынгтон побач з канадскай мяжой[1][2].

Серыял упершыню выйшаў у эфір у ЗША на канале ABC і трансляваўся з 8 красавіка 1990 па 10 чэрвеня 1991 г. Прэм'ера сабрала ля тэлеэкранаў 8150000 гледачоў[1][4]. Некаторыя серыі былі асабіста знятыя Лінчам, дакладней шэсць серый, аднак большасць серый здымалі запрошаныя рэжысёры. Супрадзюсарам фільма выступіла кампанія Аарона Спелінга, дыстрыбуцыяй займалася кампанія Worldvision Enterprises. Серыял складаецца з 30 серый, разбітых на два сезоны, уключаючы пілотную серыю - 7 серый першага сезону і 22 серыі другога сезону. У 1992 годзе быў зняты прыквел «Твін Пікс: Агонь, ідзі са мной», які ў амерыканскім пракаце павярнуўся камерцыйным правалам. У 2007 годзе часопіс «Time» уключыў серыял у лік Лепшых ТВ-шоў усіх часоў. 21 мая 2017 года пачаўся паказ трэцяга сезона з 18 серый, здымкі якога пачаліся ўвосень 2015 года і скончыліся ў красавіку 2016 года. Усе серыі новага сезона зняў асабіста Лінчам. Сезон пазіцыянаваўся не як серыял, а як падзелены на васямнаццаць частак фільм.

Сюжэт[правіць | правіць зыходнік]

Асноўная сюжэтная лінія серыяла ў першых 16 серыях - гісторыя расследавання спецыяльным агентам ФБР Дэйлам Куперам шакуючага забойства старшакласніцы Лоры Палмер ў мястэчку Твін-Пікс у штаце Вашынгтон.

Перад гледачамі серыяла адкрываецца жыццё невялікага правінцыйнага амерыканскага мястэчка, населенага дружнымі, наіўнымі і трохі эксцэнтрычнымі людзьмі.

Гісторыя пачынаецца з весткі пра знаходку аголенага цела Лоры Палмер, якое было загорнута ў поліэтылен і выкінута хвалямі на бераг возера. У ходзе расследавання пад падазрэнне Купера, шэрыфа Трумана і яго памочнікаў праходзяць розныя жыхары Твін Пікса. Паступова глядач адкрывае для сябе цёмны і страшны бок жыцця жыхароў, на першы погляд, ціхага і мірнага мястэчка.

Дзеянне першых двух сезонаў адбываецца ў 1989 годзе, кожная серыя, за рэдкім выключэннем, уяўляе сабой адзін дзень у парадку храналогіі падзей.

Умоўны час дзеяння трэцяга сезона - праз 25 гадоў пасля забойства Лоры Палмер, але маюцца і флэшбэкі (1945 і 1956 гады). У адрозненне ад папярэдніх сезонаў, дзе падзеі разгортваліся ў Твін Пікс, геаграфія падзей трэцяга істотна пашырылася. Сезон збудаваны на ўяўленнях аб ірэальнасці свету, глядач пастаўлены ва ўмовы пастаяннай неабходнасці самастойна вызначаць сэнс убачанага на экране.

Зноскі