Траўнік

Траўнік
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Сеўцападобныя Падатрад:  Scolopaci Сямейства:  Бакасавыя Род:  Уліты Від:  Траўнік
Міжнародная навуковая назва
Tringa totanus Linnaeus, 1758
Ахоўны статус
Выклікаюць найменшыя асцярогі IUCN 3.1 Least Concern : / 22693211
Сістэматыка на Віківідах Выявы на Вікісховішчы ITIS   176622 NCBI   171271 EOL   1049440

Тра́ўнік, чырванано́жка, кулік-случок (Tringa totanus), народная назва Бакас — птушка роду Уліты (Tringa) сямейства Бакасавыя (Scolopacidae) атраду Сеўцападобныя (Charadriiformes).

Апісанне

Дарослы траўнік дасягае велічыні да 30 см, крыху драбнейшы за свайго блізкага родзіча вялікага уліта (Tringa nebularia). Размах крылаў складае да 65 см, а важыць да 170 г. Аранжавая дзюба сярэдняй велічыні, на кончыку чорная. Чырвона-аранжавымі з’яўляюцца і доўгія лапкі, што дало траўніку другую назву «чырвананожка».

Арэал

Траўнік сустракаецца па ўсёй Еўропе і жыве ля узбярэжжаў мораў і ля берагоў дробных вадаёмаў, у тым ліку на балотах і заліўных лугах. Узімку траўнікі часта мігруюць у больш цёплыя паўднёвыя або прыбярэжныя рэгіёны.

Харчаванне

У ежу траўніка ўваходзяць насякомыя, чарвякі, слімакі, ракападобныя, малыя двухстворкавыя і іншыя малюскі. Сваёй доўгай дзюбай ён прачэсвае плыткаводдзе ў пошуках здабычы.

Літаратура

• Фядосаў А. К. Тра́ўнік, чырвананожка // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 520. — 10 000 экз. — ISBN 985-11-0035-8. — ISBN 985-11-0251-2 (т. 15).
• Фядосаў А. К. Чырванано́жка, траўнік; Тра́ўнік // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 350; 99. — 583 с., іл. — 10 000 экз.
• Газнак Я. Травник, или красноножка (Tringa totanus) // Иллюстрированная энциклопедия птиц (руск.) / Перевод Е. Фиштейна; под редакцией И. А. Нейфельдт и П. М. Поадяышева. Графическое оформление Ю. Гауфа. — 6-е выданне. — Прага: Артиа, 1986. — С. 258—259. — 582 с.

Спасылкі

• Відэа-, аўдыё- і фотаматэрыялы пра від Траўнік у базе даных the Internet Bird Collection (англ.)