Тршынец

Тршынец чэшск.: Třinec Герб Сцяг Краіна  Чэхія Каардынаты 49°40′39″ пн. ш. 18°40′15″ у. д. Кіраўнік Вера Палкаўска[d] Першая згадка 1444 Плошча 85,358332 км² Вышыня цэнтра 306 ± 1 м Насельніцтва ▲34 306 чал. (1 студзеня 2023) Часавы пояс UTC+1 і UTC+2 Тэлефонны код 558 Паштовыя індэксы 739 55, 739 61 і 739 94 Афіцыйны сайт trinecko.cz/index.asp Тршынец на карце Чэхіі

Медыяфайлы на Вікісховішчы

Тршы́нец (чэшск.: Třinec, польск.: Trzyniec) — статутны горад у Чэхіі, у Мараўскасілезскім краі. Размешчаны на рацэ Ольшэ, на ўсходзе краіны, каля мяжы з Польшчай. Насельніцтва — 38953 чалавекі (2001).

Гісторыя

Вёска Тршынец з’явілася ў XIV стагоддзі. Упершыню згадана ў дакуменце 1444 года. Большасць насельніцтва ў той час займалася сельскай гаспадаркай, хоць раён быў багаты на адклады вапняку, жалезнай руды і гліны. У 1836 годзе пачалося будаўніцтва печы для апрацоўкі металу, у 1839 годзе пачаў функцыянаваць першы металургічны завод, які стаў найбуйнейшым у Цешынскай вобласці.

У 1851 годзе ў Тршынцы па ініцыятыве рабочых адкрылася першая школа. Будаўніцтва чыгункі ў 1871 годзе дало штуршок далейшаму развіццю Тршынца. Пасля падзелу Цешынскай вобласці ў 1920 годзе ўвайшоў у склад Чэхаславакіі. У 1931 годзе Тршынец атрымаў статус горада.

У кастрычніку 1938 года горад, разам з Цешынскай вобласцю, быў анэксіраваны Польшчай, падчас Другой сусветнай вайны належаў нацысцкай Германіі. Пасля заканчэння вайны горад быў вернуты Чэхаславакіі, навакольныя вёскі былі ўключаны ў яго склад.

Эканоміка

Тршынец — важны цэнтр чорнай металургіі. Тршынецкі металургічны завод з’яўляецца адным з найбуйнейшых у Чэхіі. Транспартны вузел.