Тэшэнскі дагавор

Тэшэнскі дагавор
Тып дагавора	мірны дагавор
Дата падпісання	13 мая 1779
Месца падпісання	Цешын
Бакі	Аўстрыя Прусія Курфюрства Саксонія
Сайт	Тэкст дагавора (руск.), (фр.)
Медыяфайлы на Вікісховішчы

Тэшэнскі дагавор — дагавор, заключаны дзякуючы пасродніцтву рускай дыпламатыі ў маі 1779 года ў гарадку Тэшэн (цяпер Цешын у Цешынскай Сілезіі), які ўсталяваў мір паміж Аўстрыяй, з аднаго боку, і Прусіяй з Саксоніяй — з іншага, якія ваявалі амаль год за баварскую спадчыну.

Паводле гэтага дагавора Прусія і Аўстрыя атрымалі некаторыя часткі тэрыторыі Баварыі, а Саксонія — грашовую кампенсацыю. Баварскі прастол быў перададзены курфюрсту Пфальцкаму. Тэшэнскі мір пацвярджаў шэраг заключаных у мінулым германскімі дзяржавамі мірных дагавораў пачынаючы ад Вестфальскага дагавора 1648 года, канчаючы Губертусбургскім дагаворам 1763 года.

Выступіўшы спачатку ў якасці пасродніка паміж ваюючымі бакамі, Расія ў асобным артыкуле дагавора была абвешчана разам з Францыяй дзяржавай-гарантам усталяванага дагаворам парадку, атрымаўшы фактычна права ўмяшання ў справы германскіх дзяржаў.

Літаратура

• Фрыдрых Энгельс Знешняя палітыка рускага царызму
• ТЕШЕНСКИЙ ДОГОВОР 1779 // Дипломатический словарь