Удзельнік:Einimi/Чарнавік2
| Генадзь Міхасевіч | |
|---|---|
| Імя пры нараджэнні | Генадзь Мадэставіч Міхасевіч |
| Мянушка |
«Віцебскі душыцель» «Патрыёт Віцебска» |
| Дата нараджэння | 1947 |
| Месца нараджэння | Віцебская вобласць, БССР, СССР |
| Грамадзянства |
 СССР |
| Дата смерці | восень 1987 |
| Прычына смерці | Расстрэл |
| Забойствы | |
| Колькасць ахвяр | 36 |
| Колькасць параненых | 1 |
| Перыяд забойстваў | 1971—1985 |
| Асноўны рэгіён забойстваў | Віцебская вобласць |
| Спосаб забойстваў | Задушванне |
| Выкарыстоўваемая зброя | Вяроўкі, касынкі, шарфы, уласныя рукі, жгутак са стэблаў жыта |
| Матыў | Помста, задавальненне, сексуальны |
| Тып ахвяр | Жанчыны і маладыя дзяўчыны |
| Арышт і пакаранне | |
| Дата арышту | 9 снежня 1985 |
| Прычына злову | Лісты ў газету (узор почырку) |
| Пакаранне | Смяротная кара |
Генадзь Мадэставіч Міхасевіч (1947—1987) — савецкі серыйны забойца. У перыяд з 1971 па 1985 гады здзейсніў 36 даказаных забойстваў і згвалтаванняў жанчын і маладых дзяўчын і адзін замах на забойства. Арудаваў на тэрыторыі Віцебску, Полацку, а таксама ў прылеглай сельскай мясцовасці Беларускай ССР. Ахвяр душыў, карыстаўся для гэтага, у асноўным, голымі рукамі. Судом быў прысуджаны да расстрэлу. Прысуд прыведзены ў выкананне. За час расследавання за злачынствы Міхасевіча было несправядліва асуджана 14 чалавек, некаторыя з іх атрымалі ў турме інваліднасць, некаторыя адсядзелі сур'ёзные тэрміны.
Біяграфія да забойстваў (1947—1971)[правіць | правіць зыходнік]
«Жанчыны мяне часта крыўдзілі, і я з дзяцінства збіраў на іх крыўду. Да мужчын — ніякай злосці, нават калі яны мяне пакрыўдзяць, а жанчыны, так лічу, вінаватыя ва ўсіх непаладках майго жыцця.»
Арыгінальны тэкст (руск.)«Женщины меня часто обижали, и я с детства копил на них обиду. К мужчинам — никакой злобы, даже если они меня обидят, а женщины, так считаю, виновны во всех неполадках моей жизни.»
— Са сведчанняў Міхасевіча ў судзе
Аб біяграфіі забойцы з адкрытых крыніц вядома няшмат. Генадзь Міхасевіч нарадзіўся ў 1947 годзе ў Віцебскай вобласці ў вёсцы Іст у звычайнай працоўнай сям'і[1].
У дзяцінстве быў замкнутым і малагаварлівым хлопцам, за што часта падвяргаўся кпінам з боку дзяўчын. З-за гэтага пакутаваў на комплекс сексуальнай непаўнацэннасці. Лічыцца, што гэтыя крыўды ў будучыні і сталі каталізатарам для пачатку злачыннай дзейнасці Генадзя. Сам ён пазней абвінаваціць жанчын ва ўсіх асабістых няўдачах[2].
У 1970 годзе паступіў у Гарадоцкі тэхнікум механізацыі сельскай гаспадаркі, які некалькімі гадамі пазней скончыў. За перыяд навучэння ў тэхнікуме Міхасевіч неадначасова ездзіў да сваіх бацькоў у родную вёску Іст, недалёка ад якой і здзейсніў першыя злачынствы[3][4].
Злачынствы (1971—1985)[правіць | правіць зыходнік]
«Калі я яе душу, і яна трапеча, я адчуваю, як па маіх руках у мяне ўліваецца нейкая сіла.»
Арыгінальны тэкст (руск.)«Когда я ее душу, и она трепещет, я чувствую, как по моим рукам в меня вливается какая-то сила.»
— Са сведчанняў Міхасевіча на допыце
Першае забойства адбылася 14 мая 1971 года. У той дзень Міхасевіч хацеў здзейсніць самагубства з-за таго, што растаўся са сваёй дзяўчынай (пазней следства вызначыла, што растаўся ён з ёй за год да гэтага). Дзеля гэтага ён адрэзаў у Полацке бялізнавую вяроўку. Але па дарозе сустрэў маладую жанчыну, Людмілу Андралаву. Як пазней скажа Генадзь, ён вырашыў «не давіцца з-за бабы, а лепей самому некага задавіць»[5].
З матерыялаў угалоўнай справы па гэтаму забойству: «16 мая 1971 года… у 48 метрах ад грунтовай дарогі, якая адыходзіць ад шасэ Полацк — Новаполацк, у разоры, бліз пасаджаных у тым месцы яблынь, быў знойдзены труп, ногі і тулава якога былі пакрытыя кавалкамі дзірвану, а твар прысыпаны зямлёй. Ад азначанай грунтовай дарогі да месца знаходжання трупа вёў след валачэння, які праходзіў па раллі, а затым па лузе. У пачатку яго знаходіліся туфлі і брошка пацярпелай. На шыі былі знойдзены сляды здаўлення органаў рукамі. Пры гэтым было адзначана, што яно рабілася правай рукой. Множныя ранкі на лбе, шчоках і вуснах давалі падставы для вываду аб тым, што рот пацярпелай закрываўся рукамі нападаючага. На руках у ніжняй іх трэці былі знойдзены сляды, якія сведчылі аб прывязванні ў гэтых месцах вяроўкі, з дапамогай якой рабілася перамяшчэнне трупа. Гэта пацвярджаецца таксама наяўнасцю ранак як на спіне, так і на ніжніх канечнасцях[6]...»
29 кастрычніка 1971 маньяк амаль папаўся на гарачым. Калі Міхасевіч схапіў чарговую дзяўчыну, та пачала вырывацца і крычаць. У гэты момант яе пачулі хлопцы, якія перапужаліся, але з ліхтарыкам пайшлі на крык. Міхасевіч гэта зразумеў і вырашыў не рызыкаваць, і уцёк з месца злачынства. Дзяўчына засталася жывая, а да следства папаў адзін доказ — вяроўка з крывёю першай групы (у барацьбе Міхасевіч быў укушаны)[6]. Аднак у гэты жа дзень забіў і згвалціў іншую дзяўчыну, труп якой быў знойдзены наступнай раніцай.
Наступныя забойствы здзейсніў у 1972 годзе, 15 красавіка і 30 ліпеня (гэтая ахвара была задушана стэбламі жыта). Яшчэ адну жанчыну забіў у красавіку 1973 года. У гэтым жа годзе скончыў тэхнікум, вярнуўся ў вёску Іст і пачаў працаваць у саўгасе. У 1974 годзе злачынстваў не рабіў[6].
Для ўсіх сваякоў, калег і сяброў Генадзь працягваў здавацца выдатным і працалюбівым чалавекам. Сам ён зусім не вылучаўся ад астатніх: меў сям'ю, рэдка спатрабляў алкаголь, не паліў, уступіў па асабістаму жаданню ў КПСС. Цікавым фактам з'яўляецца то, што Міхасевіч быў народным дружыннікам, і, па сутнасці, шукаў сам сябе[7].
Зноскі
- ↑ Віцебская справа. Частка 1 (руск.). Беларусьфільм.
- ↑ Віцебская справа. Частка 2 (руск.). Беларусьфільм.
- ↑ TUT.BY. «Витебское дело»: 20 лет спустя (руск.). TUT.BY.
- ↑ Владимир Демченко. Главные преступления советской эпохи. От перевала Дятлова до Палача и Мосгаза (руск.). Владимир Демченко.
- ↑ «Следствие вели…». Выпуск 33 — «Витебский душитель»
- ↑ а б в Геннадий Михасевич (руск.). Slaughter House.
- ↑ Беларусьфільм. Витебское дело (руск.). Беларусьфільм.
Матэрыялы для зносак[правіць | правіць зыходнік]
Некаторыя звесткі на англійскай мове Віцебская справа Інтэрв'ю са следчым па справе Інфармацыя аб справе на Tut Выкарыстаць для апісання раздзелу аб упамінаннях у культуры 10 фактаў Выдатны modus operandi English English English Кніга ў дапамогу Яшчэ адна і яшчэ Мадэстаў [1] [2]\ [3] [4] [5] [6]