Ундзіны
Ундзіны (ад лац.: unda — «хваля») — у фальклоры народаў Еўропы (германскія паданні, павер’і народаў Прыбалтыкі) — духі вады, русалкі. Гэта прыгожыя дзяўчаты (часта з рыбінымі хвастамі), якія выходзяць з вады і расчэсваюць свае пекныя валасы; спевамі і хараством завабліваюць путнікаў у глыбіні. Могуць загубіць ці зрабіць палюбоўнікамі ў падводным свеце. Спакушаюць мужчын, бо калі народзяць ад чалавека — могуць атрымаць бессмяротную душу.