Утырык
| Утырык | |
|---|---|
| марш. Utrōk, англ. Utirik | |
 Выгляд з космасу | |
| Характарыстыкі | |
| Плошча | 2,43 км² |
| Найвышэйшы пункт | 3 м |
| Насельніцтва | 435 чал. (2011) |
| Шчыльнасць насельніцтва | 179,01 чал./км² |
| Размяшчэнне | |
| 11°15′ пн. ш. 169°48′ у. д.HGЯO | |
| Архіпелаг | Маршалавы Астравы |
| Акваторыя | Ціхі акіян |
| Краіна | |
 | |
 Медыяфайлы на Вікісховішчы | |
Утырык (англ.: Utirik, маршал.: Utrōk) — атол на паўночным усходзе Маршалавых Астравоў. Плошча сушы — 2,43 км². Насельніцтва (2011 г.) — 435 чал.
Утырык знаходзіцца за 7 км на паўночны ўсход ад суседняга атола Така і за 487 км на паўночны захад ад Маджура, сталіцы Маршалавых Астравоў. Складаецца з шырокай лагуны (57,73 км²), якую атачае кола каралавага рыфа. У склад атола ўваходзіць 6 астравоў. Самы вялікі месціцца ў паўднёва-заходнім куце лагуны і мае назву Утырык (ад utlōk, літаральна «другі», «другасны», «наступны»).
Адкрыты ў 1816 г. расійскай экспедыцыяй на чале з О. Кацэбу, які даў яму назву атол Кутузава. У другой палове XIX ст. трапіў у залежнасць ад вярхоўных правадыроў Ратак. У 1883 г. на атоле высадзіліся амерыканскія місіянеры. У 1885—1914 г. знаходзіўся пад кантролем Германіі, 1914—1944 гг. — Японіі, 1945—1986 гг. — пад апекай ЗША. З 1986 г. у складзе Рэспублікі Маршалавы Астравы.
Асноўныя заняткі насельніцтва — вырошчванне какосавай пальмы, рыбалоўства. Працуе аэрапорт.