Франсішку Кансейсан

Франсішку Кансейсан
Агульная інфармацыя
Нарадзіўся	14 снежня 2002(2002-12-14) (23 гады) Каімбра, акруга Каімбра[d], Партугалія
Грамадзянства	Партугалія
Рост	166 см
Пазіцыя	вінгер
Клубная кар’ера
2025—0000 Ювентус 31 (3)
Медыяфайлы на Вікісховішчы

Франсішку Фернандэш да Кансейсан (парт. Francisco Fernandes da Conceição), таксама вядомы як Шыку Кансейсан (парт. Chico Conceição; нар. 14 снежня 2002, Каімбра) — партугальскі футбаліст, нападаючы нідэрландскага клуба «Аякс» і зборнай Партугаліі. Выступае на правах арэнды за партугальскі «Порту».

Клубная кар’ера

Ураджэнец Каімбры, Кансейсан пачаў футбольную кар’еру ў моладзевай камандзе лісабонскага «Спортынгу» ва ўзросце васьмі гадоў. Правёўшы шэсць гадоў у акадэміі «Спортынгу», у 2017 годзе перайшоў у «Падраэнсэ». Праз год стаў гульцом футбольнай акадэміі «Порту». У жніўні 2020 года падпісаў свой першы прафесійны кантракт з «Порту». 13 лютага 2021 года дэбютаваў у асноўным складзе «Порту», ​​выйшаўшы на замену ў матчы партугальскай Прымейра-лігі супраць «Баавішты». Праз чатыры дні, 18 лютага 2021 года, дэбютаваў у Лізе чэмпіёнаў УЕФА, выйшаўшы на замену ў матчы 1/8 фіналу супраць «Ювентуса» і стаў другім самым маладым гульцом «Порту» ў Лізе чэмпіёнаў пасля Рубена Невіша.

21 ліпеня 2022 года перайшоў у амстэрдамскі «Аякс», падпісаўшы з клубам пяцігадовы кантракт.

Кар’ера ў зборнай

Выступаў за зборныя Партугаліі да 16, да 17, да 18 гадоў і да 21 года.

26 сакавіка 2024 года дэбютаваў за галоўную зборную Партугаліі ў матчы супраць зборнай Славеніі.

18 чэрвеня 2024 года на Чэмпіянаце Еўропы 2024 года забіў свой першы гол за зборную на 92-й хвіліне прынясучы перамогу над зборнай Чэхіі.