Хакаіндэ Хічылема

З Вікіпедыі, свабоднай энцыклапедыі
Хакаіндэ Хічылема
англ.: Hakainde Hichilema
прэзідэнт Замбіі[d]
з 24 жніўня 2021
Папярэднік Эдгар Лунгу
Нараджэнне 4 чэрвеня 1962(1962-06-04) (61 год)
Жонка Mutinta Hichilema[d][1]
Веравызнанне Царква адвентыстаў сёмага дня[d][2]
Партыя
Адукацыя
Дзейнасць эканаміст, палітык
Лагатып Вікісховішча Медыяфайлы на Вікісховішчы

Хакаіндэ Хічылема (англ.: Hakainde Hichilema; нар. 4 чэрвеня 1962, Манзэ, Паўночная Радэзія (цяпер — Паўднёвая правінцыя, Замбія) — замбійскі палітычны дзеяч, бізнэсмэн. Прэзідэнт Замбіі з 2021 года.

З 2006 года з'яўляўся кіраўніком апазіцыйнай Аб'яднанай партыі нацыянальнага адзінства. Пасля пяціразовага ўдзелу ў прэзідэнцкіх выбарах у 2006, 2008, 2011, 2015 і 2016 гадах атрымаў перамогу на выбарах 2021 года, заступіў на пасаду Прэзідэнта Замбіі 24 жніўня 2021.

Ранняя жыццё і кар'ера[правіць | правіць зыходнік]

Хічылема нарадзіўся ў вёсцы ў раёне Манзэ на тэрыторыі сучаснай Замбіі. Ён атрымаў стыпендыю для навучання ў Універсітэце Замбіі і скончыў яго ў 1986 годзе са ступенню бакалаўра ў галіне эканомікі і дзелавога адміністравання. Пасля гэтага ён атрымаў ступень MBA ў галіне фінансаў і бізнес − стратэгіі ў Бірмінгемскага ўніверсітэта ў Злучаным Каралеўстве.

Прадпрымальніцкая дзейнасць[правіць | правіць зыходнік]

Хічылема займаў пасаду галоўнага выканаўчага дырэктара Coopers and Lybrand Zambia (1994-1998) and Grant Thornton Zambia (1998-2006).

Палітычная кар'ера[правіць | правіць зыходнік]

Хічылема з'яўляецца членам ліберальнай палітычнай партыі Аб'яднанай партыі нацыянальнага адзінства. Пасля смерці Андерсона Мазока ў 2006 годзе ён быў абраны новым прэзідэнтам партыі. Ён таксама быў лідарам Аб'яднанага дэмакратычнага альянсу, саюза трох апазіцыйных палітычных партый.

На выбарах 2006 года Хічылема быў кандыдатам ад Аб'яднанага дэмакратычнага альянсу і балатаваўся супраць дзеючага прэзідэнта Леві Мванавасы ад Руху за шматпартыйную дэмакратыю і кандыдата ад Патрыятычнага фронту Майкла Сата. Ён атрымаў падтрымку ад былога прэзідэнта Кеннета Каунда. У выніку Хічылема заняў 3-е месца, атрымаўшы каля 25% галасоў.

Хічылема балатаваўся ў якасці кандыдата Аб'яднанай партыі нацыянальнага адзінства на выбарах 2008 года, якія былі абвешчаныя пасля смерці Леві Мванавасы[3]. Ён заняў 3-е месца з 19,7% галасоў. У чэрвені 2009 года партыя Хічылемы заключыла дамову з Патрыятычным фронтам Майкла Саты, каб разам удзельнічаць у выбарах 2011 года. Аднак нерашучасць, глыбокае недавер і абвінавачванні ў трайбалізме з абодвух бакоў прывялі да краху пакту ў сакавіку 2011 года[4]. У студзеня 2015 года Хічылема быў адным з двух асноўных кандыдатаў на прэзідэнцкіх выбарах, на якіх ён прайграў з невялікім адрывам у 27 757 галасоў (1,66%) кандыдату кіруючага Патрыятычнага фронту Эдгару Лунгу, пасля чаго назваў выбары фікцыяй, але заклікаў сваіх прыхільнікаў «захоўваць спакой»[5][6]. На прэзідэнцкіх выбарах у жніўні 2016 года ён быў вылучаны як асноўны кандыдат ад апазіцыі, аднак зноў пацярпеў паразу з невялікім адрывам у карысць Лунгу[7].

На прэзідэнцкіх выбарах 12 жніўня 2021 года перамог, атрымаўшы 59% галасоў. Заступіў на пасаду Прэзідэнта Замбіі 24 жніўня 2021 года.

Зноскі

  1. ↑ https://www.ghlinks.com.gh/mutinta-hichilema-biography/
  2. ↑ https://adventist.news/news/adventist-master-guide-hakainde-hichilema-is-the-new-president-of-zambia
  3. ↑ «Zambia to hold presidential by-election on Oct.30», Xinhua, 10 September 2008.
  4. ↑ «Opposition alliance in Zambia collapse as UPND pulls out» Архівавана 18 лістапада 2011., Newstime Africa, 11 March 2011.
  5. ↑ Zambia opposition cries foul as Lungu wins presidential election. The Daily Telegraph (24 студзеня 2015). Праверана 25 January 2015.
  6. ↑ Edgar Lungu steals election. hh-zambia.com (24 студзеня 2015). Архівавана з першакрыніцы 27 студзеня 2015. Праверана 25 жніўня 2021.
  7. ↑ Zambia's President Edgar Lungu declared election winner. BBC News (15 жніўня 2016). Праверана 25 жніўня 2021.
Узята з "https://be.wikipedia.org/w/index.php?title=Хакаіндэ_Хічылема&oldid=4028940"