Хеда Андэрсан
| Хеда Андэрсан | |
|---|---|
| шведск.: Hedda Andersson[1] | |
 | |
| Дата нараджэння | 24 красавіка 1861[2][3] |
| Месца нараджэння | |
| Дата смерці | 7 верасня 1950[2] (89 гадоў) |
| Месца смерці | |
| Грамадзянства | |
| Маці | Johanna Maria Andersson[d][2][5][…] |
| Род дзейнасці | урач, гінеколаг |
| Навуковая сфера | women's suffrage in Sweden[d][1] |
| Альма-матар | |
| Член у | |
 Медыяфайлы на Вікісховішчы | |
Хеда Альберціна Андэрсан (шведск.: Hedda Albertina Andersson; 24 красавіка 1861 — 7 верасня 1950) — шведскі ўрач. Яна была другой студэнткай Лундскага ўніверсітэта і другой жанчынай-лекарам, якая атрымала адукацыю ў шведскім універсітэце.
Біяграфія
[правіць | правіць зыходнік]Хеда Андэрсан была дачкой працоўнага па прозвішчы Андэрсан і яго жонкі Джааны Андэрсан. Калі яе бацька памёр у 1866 годзе, яна пераехала з маці і трыма братамі і сёстрамі да бабулі.
З боку маці яна паходзіць з роду жанчын-медыкаў, якія, паводле гістарычных дадзеных, практыкавалі традыцыйную народную медыцыну не менш сямі пакаленняў, пачынаючы з XVII стагоддзя. Яе прабабуля Марна Нілдотэр, як і яе бабуля Элна Хансан, практыкавалі лячэнне народнымі метадамі. Яе маці і бабуля лячылі людзей у Мальмё. Яе бабуля была вядомая ва ўсёй Скандынавіі як Lundakvinnan («жанчына Лунда») і намінальна працавала цырульнікам, каб пазбегнуць абвінавачванні ў шарлатанстве, як і яе дачка, маці Хеды.
Калі ў 1870 годзе шведскія універсітэты былі адкрыты для жанчын, яе маці і бабуля вырашылі, што яна павінна вывучаць медыцыну ў універсітэце і атрымаць афіцыйную ліцэнзію, каб пазбегнуць пераследу і абвінавачванняў ў шарлатанстве, якія даволі часта суправаджалі членаў яе сям’і. Хеда Андэрсан атрымала адукацыю ў школе Марыі Стэнкулы і была прынятая ў Лундскі ўніверсітэт у 1880 годзе.
Хеду часта называюць першай студэнткай шведскіх універсітэтаў, але гэта няправільнае сцвярджэнне, таму што незадоўга да яе ў іншы універсітэт паступіла Хільдэгард Б’ёрк[6]. Хеда была адзінай жанчынай у Лундскім універсітэце да 1882 года. У 1887 годзе яна атрымала дыплом бакалаўра. У 1892 годзе атрымала ліцэнзію на вядзенне прыватнай медыцынскай практыкі.
Яна працавала лекарам у Ронэбю ў 1892—1893 гадах, у Мальмё ў 1893—1895 гадах, і ў Стакгольме ў 1895—1925 гадах, пасля чаго пасялілася ў Лундзе[7]. Акрамя таго, яна вучылася ў Капенгагене ў 1892 і 1895 гадах, а таксама ў 1893 годзе ў Лейпцыгу пад кіраўніцтвам Макса Сэнгера.
Памяць
[правіць | правіць зыходнік]У 2009 годзе ў Лундскім універсітэце у памяць пра Хеду Андэрсан была створана прафесура для запрошаных прафесароў.
Зноскі
- ↑ а б http://www2.ub.gu.se/kvinndata/portaler/rostratt/pdf/rostrattsfragan.pdf
- ↑ а б в г д е ё ж Hedda Albertina Andersson Праверана 27 жніўня 2020.
- ↑ Malmö Caroli kyrkoarkiv, Födelse- och dopböcker, SE/MSA/00553/C I/11 (1861-1870), bildid: C0067629_00024, sida 16 Праверана 27 жніўня 2020.
- ↑ Andersson, Hedda Albertina, f. 1861 i Malmö Malmöhus län, Med. kand. // Swedish Census 1890 — Riksarkivet. Праверана 17 сакавіка 2018.
- ↑ Hedda Albertina, f. 1861 i Malmö Malmöhus län, Medicine kandidat — Riksarkivet. Праверана 27 жніўня 2020.
- ↑ Fredrik Tersmeden: «Den bortglömda studentskan — 140 år sedan Hildegard Björck beträdde den akademiska banan» (Lund 2013)
- ↑ Albin Hildebrand. 13 (Svenskt porträttgalleri / XIII. Läkarekåren (biografier af A. Levertin)) (шведск.). runeberg.org. Праверана 24 сакавіка 2019.
 Хеда Андэрсан — продкі |
|---|