Хуліа Гервасіа Перэс

Хуліа Гервасіа Перэс
Агульная інфармацыя
Нарадзіўся	19 чэрвеня 1926(1926-06-19) Мантэвідэа, Мантэвідэа, Уругвай
Памёр	22 верасня 2002(2002-09-22) (76 гадоў) Мантэвідэа, Мантэвідэа, Уругвай
Пахаванне	могілкі дэль Бусеа[d]
Грамадзянства	Уругвай
Пазіцыя	нападнік
Клубная кар’ера
1946—1948 Расінг (Мантэвідэа) 1948—1950 Рывер Плэйт (Мантэвідэа) 1950—1957 Насьяналь 1957 Інтэрнасьянал 1958—1960 Суд Амерыка
Нацыянальная зборная
1950—1957 Уругвай 22 (8)
Трэнерская кар’ера
1964—1967 Суд Амерыка 1968 Расінг (Мантэвідэа) 1979—1980 Дэфенсар Спортынг трэнер 1980 Алімпія (Асунсьён) 1981 Фенікс (Мантэвідэа) 1982—1983 Веракрус
Узнагароды і медалі
Чэмпіянаты свету Золата Бразілія 1950
Медыяфайлы на Вікісховішчы

Хуліа Гервасіа Перэс (ісп.: Julio Gervasio Pérez Gutiérrez; 19 чэрвеня 1926 — 22 верасня 2002) — уругвайскі футбаліст, нападнік. Чэмпіён свету 1950 у складзе нацыянальнай зборнай Уругвая.

Біяграфія

Пачаў гуляць у клубе «Расінг» з Мантэвідэа ў 1946 годзе. Дэбютаваў у першым дывізіёне Уругвая ў 1948 годзе ў складзе іншага сталічнага клуба — «Рывер Плэйта».

З 1950 па 1957 год ён гуляў за клуб «Насьяналь», стаўшы чэмпіёнам Уругвая чатыры разы. Ён правёў 22 матчы і забіў 8 галоў за зборную Уругвая, з 1950 па 1957 год. У 1950 годзе ў складзе зборнай ён стаў чэмпіёнам свету па футболе. Удзельнік чэмпіянату Паўднёвай Амерыкі 1955.

У 1957 годзе выступаў у Бразіліі за клуб «Інтэрнасьянал». Праз год Перэс вярнуўся ва Уругвай і выступаў у прафесійным футболе да 1960 года ў клубе «Суд Амерыка». Затым правёў 3 гады ў рэгіянальных аматарскіх лігах дэпартаментаў Канелонеса, Лавальехі і Рочы.

Пасля завяршэння кар’еры працаваў трэнерам у розных уругвайскіх клубах. Трэніраваў таксама парагвайскую «Алімпію» ў 1980 годзе, а затым мексіканскі клуб «Веракрус».

Хуліа Гервасіа Перэс памёр 22 верасня 2002 года ў Мантэвідэа.

Тытулы

• Чэмпіён Уругвая (4): 1950, 1952, 1955, 1956
• Чэмпіён свету (1): 1950

Літаратура

• Руднік В. Чэмпіёны свету па футболе 1930—2006. — Беласток: «Set-Print», 2006.