Царква Пакрова Прасвятой Багародзіцы (Орля)

Праваслаўны храм
Царква Пакрова Прасвятой Багародзіцы
53°30′30″ пн. ш. 24°58′55″ у. д.
Краіна	Беларусь
Аграгарадок	Орля
Канфесія	БПЦ
Епархія	Гродзенская і Ваўкавыская епархія
Дата пабудовы	1866 год
Стан	дзейнічае
Медыяфайлы на Вікісховішчы

Свята-Пакроўская царква - праваслаўны храм у в. в. Орля Шчучынскага раёна Гродзенскай вобласці.

Гісторыя

Фотаздымак Яна Балзункевіча. 1 студзеня 1900 г.

Пабудавана ў 1866 годзе з бутавага каменю і цэглы. Адкрыта ў 1988 — 1990 гг.

Архітэктура

Помнік архітэктуры рэтраспектыўна-рускага стылю. Прыземестая кампазіцыя храма складаецца з 3-яруснай васьмерыковай званіцы, кароткай і нізкай трапезнай, купаладобнай малітоўнай залы і апсіды. Шатры званіцы і асноўнага аб'ёму завершаны цыбулепадобнымі купалкамі. На фоне паліхромнай бутавай муроўкі сцен кантрастна вылучаюцца атынкаваныя элементы архітэктурнага дэкору: кілепадобныя ліштвы вокнаў-біфорыумаў, аркатурныя фрызы, вуглавыя руставаныя лапаткі. Унутры малітоўная зала накрыта шатровым скляпеннем на ветразях, апсіда вылучана 2-ярусным іканастасам.

Літаратура

• Кулагін, А. М. Праваслаўныя храмы Беларусі: энцыклапедычны даведнік / А. М. Кулагін; [рэд. савет: Г. П. Пашкоў, Л. В. Календа]. — Мн.: Беларуская Энцыклапедыя, 2007. — 653 с. — ISBN 978-985-11-0389-4.
• Парафіяне царквы ў Орлі, 1829 г. // на pawet.net

• Лаўрэш Леанід. Прыход у Орлі. // Лідскі Летапісец. 2017. № 4(80). С. 22–38. // на pawet.net