Царква Успення Прасвятой Багародзіцы (Котра)

З пляцоўкі Вікіпедыя
Jump to navigation Jump to search
Славутасць
Царква Успення Прасвятой Багародзіцы
Краіна Беларусь
Вёска Котра
Канфесія праваслаўе
Тып будынка царква
Дата заснавання 1773
Дата скасавання 1950-я
Стан зруйнавана

Царква́ Успе́ння Прасвято́й Багаро́дзіцыправаслаўная царква ў вёсцы Котра Пружанскага раёна, заснаваная ў 1773 годзе. Зруйнаваная за савецкім часам.

Гісторыя[правіць | правіць зыходнік]

У 1773 памешчык Лаўрэнцій Савіцкі заснаваў у Котры драўляны храм, асвечаны ў гонар Успення Прасвятой Багародзіцы. У парафію ўваходзілі вёскі Котра, Радзецк, Пескі, Клепачы, Краснае.

Да стогадовага юбілею ў вёсцы была пабудавана новая, мураваная царква, асвечаная ў 1873 годзе. Да яе прыходу былі далучаны вёскі Бакуны і Ліхасельцы.

Падчас Другой сусветнай вайны купал царквы выкарыстоўвалі нямецкія войскі для трэніроўкі ў стральбе з гармат. Перад гэтым жыхары вёскі былі выселены, а святар атрымаў загад вызваліць памяшканне царквы ад царкоўнага начыння, якое было перавезена ў Мокраўскую царкву. Ад артылерыйскіх снарадаў царква была моцна пашкоджана, засталіся толькі муры.

У пачатку 50-х гадоў XX стагоддзя царква і агароджа канчаткова разабраны, на яе месцы паўстаў вясковы клуб.

Спасылкі[правіць | правіць зыходнік]