Царква ў гонар абраза Божай Маці «Тупічоўскі» (Мсціслаў)

Праваслаўны храм
Царква ў гонар абраза Божай Маці «Тупічоўскі»
Крыжаўзвіжанская царква
54°00′59,80″ пн. ш. 31°44′04,70″ у. д.
Краіна	Беларусь
Горад	Мсціслаў
Канфесія	Праваслаўе
Епархія	Магілёўская і Мсціслаўская
Благачынне	Мсціслаўскае
Архітэктурны стыль	рэтраспектыўна-рускі
Дата заснавання	1871
Дата пабудовы	1871 год
Стан	дзейнічае
Медыяфайлы на Вікісховішчы

Царква́ ў го́нар абраза́ Бо́жай Ма́ці «Тупічо́ўскі», былая Крыжаўзвіжанская царква — мураваны праваслаўны храм у горадзе Мсціславе Магілёўскай вобласці.

Гісторыя

Крыжаўзвіжанская царква была пабудавана ў 1871 годзе на месцы драўлянай уніяцкай царквы, якая некалі размяшчалася ў цэнтры былой Казіміраўскай слабады. У цяперашні час у храме знаходзіцца спіс цудатворнага Тупічэўскага абраза Божай Маці. Паміж 2007 і 2011 гадамі два купалы царквы замянілі на велізарныя пазалочаныя цыбуліны, астатнія купалы знішчылі. Настаяцелем прыхода з’яўляецца іерэй Цімафей Жыгар.

Архітэктура

Помнік архітэктуры рэтраспектыўна-рускага стылю. Храм вырашаны кананічнай чатырохчасткавай кампазіцыяй: прытвор—званіца, трапезная, малітоўная зала, апсіда. Вертыкальнай дамінантай з’яўляецца двух’ярусная званіца над прытворам. Маляўнічасць будынку раней надавала пяцікупалле над асноўным кубападобным аб’ёмам.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Царква ў гонар абраза Божай Маці «Тупічоўскі» (Мсціслаў)
• Царква ў гонар абраза Божай Маці «Тупічоўскі» (Мсціслаў) на сайце Праваслаўная архітэктура Беларусі (бел.)
• Царква ў гонар абраза Божай Маці «Тупічоўскі» (Мсціслаў) на сайце Radzima.org
• Царква ў гонар абраза Божай Маці «Тупічоўскі» (Мсціслаў) на сайце Глобус Беларусі (руск.)