Цзіньчэн

Цзіньчэн
Краіна	Кітай
Уваходзіць у	Шаньсі (1985—?)
Насельніцтва	▼2 194 545 чал. (2020)
Плошча	9 424,87 км²
Часавы пояс	UTC+8
Тэлефонны код	356
Паштовыя індэксы	048000
Код аўтам. нумароў	晋E
Афіцыйны сайт
Медыяфайлы на Вікісховішчы

Цзіньчэн (кіт. спр. 晋城, піньінь Jìnchéng) — гарадская акруга ў правінцыі Шаньсі КНР.

Гісторыя

Пры імперыі Паўночная Вэй у гэтых месцах была створана вобласць Цзяньчжоу (Цзян). Пры імперыі Суй яна ў 568 годзе была перайменавана ў Цзэчжоу (泽州), а ў 583 годзе паніжана ў рангу да павета, які атрымаў назву Даньчуань (丹川县). Пры імперыі Тан вобласць Цзэчжоу была адноўлена. Пры імперыі Цын вобласць у 1728 годзе была паднятая ў рангу да ўправы. Пасля Сіньхайскай рэвалюцыі ў Кітаі была праведзена рэформа структуры адміністрацыйнага падзелу, падчас якой управы і вобласці былі скасаваныя.

Пасля ўтварэння КНР правінцыя Шаньсі была ў 1949 годзе падзелена на 7 спецыяльных раёнаў; гэтыя землі трапілі ў склад спецыяльнага раёна Чанчжы (长治专区). У 1958 годзе спецыяльны раён Чанчжы быў перайменаваны ў спецыяльны раён Цзіньдунань (晋东南专区), пры гэтым адбылося ўзбуйненне паветаў: паветы Гаапін і Лінчуань былі далучаны да павета Цзіньчэн, а павет Ціньшуй — да павета Янчэн. У 1961 годзе ўсе паветы былі адноўлены ў ранейшых межах.

У 1970 годзе спецыяльны раён Цзіньдунань быў перайменаваны ў Акругу Цзіньдунань (晋东南地区).

У 1983 годзе павет Цзіньчэн быў ператвораны ў гарадскі павет; пры гэтым быў уведзены падзел гарадскога павета на раёны — гарадскі і прыгарадны.

У 1985 годзе пастановай Дзяржсавета КНР былі расфармаваныя горад Чанчжы і акруга Цзіньдунань, а на іх тэрыторыі ўтвораны гарадскія акругі Чанчжы і Цзіньчэн. У склад гарадской акругі Цзіньчэн увайшлі паветы Цыньшуй, Янчэн, Лінчуань і Гаапін; гарадскі павет Цзіньчэн быў расфарміраваны, і яго складовыя часткі ўвайшлі непасрэдна ў склад гарадской акругі Цзіньчэн.

У 1993 годзе павет Гаапін быў ператвораны ў гарадскі павет.

У 1996 годзе прыгарадны раён быў ператвораны ў павет Цзэчжоу.

Адміністрацыйна-тэрытарыяльны падзел

Гарадская акруга Цзіньчэн падзяляецца на 1 раён, 1 гарадскі павет, 4 паветы:

Карта
#	Статус	Назва	Іерогліфы	Піньінь	Насельніцтва (2003 прыкл.)	Плошча (км²)	Шчыльнасьць насельніцтва (/км²)
1	Раён	Чэнцюй	城区	Chéng qū	280 000	141	1986
2	Гарадскі павет	Гаапін	高平市	Gāopíng shì	480 000	946	507
3	Павет	Цзэчжоу	泽州县	Zézhōu xiàn	510 000	2023	252
4	Павет	Ціньшуй	沁水县	Qìnshuǐ xiàn	210 000	2655	79
5	Павет	Янчэн	阳城县	Yángchéng xiàn	390 000	1968	198
6	Павет	Лінчуан	陵川县	Língchuān xiàn	250 000	1751	143

Спасылкі

• Інфармацыя пра тэрыторыю, насельніцтва і гісторыю змен адміністрацыйна-тэрытарыйнага падзелу на сайце 行政区划网