Чай з Мусаліні

Чай з Мусаліні
італ.: Un tè con Mussolini
Жанры	драматычны фільм[…] і ваенны фільм
Рэжысёр	Франка Дзэфірэлі[…]
Сцэнарысты	John Mortimer[d] Франка Дзэфірэлі
У галоўных ролях	Шэр[…] Joan Plowright[d][…] Джудзі Дэнч[…] Мэгі Сміт Lily Tomlin[d] Pino Colizzi[d] Claudio Spadaro[d] Масіма Гіні[d] Paolo Seganti[d] Mino Bellei[d] Jackie Basehart[d] Chris Larkin[d] Roberto Farnesi[d] Giacomo Gonnella[d] Gianna Giachetti[d] Майкл Уільямс[d]
Аператар	Дэвід Уоткін[d]
Кінакампанія	Medusa Film[d]
Працягласць	111 хв.
Краіны	Вялікабрытанія  Італія
Мовы	англійская і італьянская мова
Год	1999 і 6 студзеня 2000
IMDb	ID 0120857

«Чай з Мусаліні» (англ.: Tea With Mussolini) — паўаўтабіяграфічны мастацкі фільм італьянскага рэжысёра Франка Дзэфірэлі, які выйшаў у пракат у Італіі 26 сакавіка 1999 года. Прэм’ера ў Вялікабрытаніі адбылася 2 красавіка. Фільм дэманстраваўся ў ліпені 1999 года на фестывалі ў Карлавых Варах.

Слоган фільма: «Гісторыя цывілізаванага непадпарадкавання» (англ.: A Story of Civilized Disobedience).

Сюжэт

Фларэнцыя. 1935 год. Калонія пажылых дасціпных англічанак («скарпіёнкі») захапляецца энергічным дучэ, які паводзіць сябе як джэнтльмен, да таго ж прымусіў італьянскія цягнікі хадзіць па раскладзе. Дамы бавяць час: наведваюць музеі, арганізуюць пікнікі ў англійскім стылі, вядуць свецкія гутаркі. Удава англійскага пасла лэдзі Хестэр Рэндам нават сустракалася з Мусаліні за кубачкам чаю, хадайнічае пра абарону калоніі ад нападаў фашыстаў. Пад кіраўніцтвам Мэры Уолес пажылыя англічанкі з дапамогай багатай амерыканскай яўрэйкі Эльзы прыглядаюць за пазашлюбным сынам мясцовага гандляра — маленькім Лукой, маці якога памерла (лёс гэтага хлопчыка шмат у чым прайгравае лёс самога рэжысёра).

Над Еўропай згушчаюцца хмары, Італія аб’яўляе вайну Вялікабрытаніі, змяняецца і стаўленне ўладаў да «скарпіёнак». Цяпер трэба вучыць нямецкую мову і любіць усё нямецкае, бо «час Англіі скончыўся» (як адзначае бацька Лукі). «Я б не сказала», — адказвае яму міс Уолес.

«Скарпіёнак» высылаюць у маленькае мястэчка Сан-Джыміньяна, але і там яны захоўваюць годнасць і імкнуцца дапамагчы навакольным.

Сканчаецца сюжэт у 1944 годзе, калі шатландскія часткі і партызаны (куды паспеў уступіць Лука) акупіруюць Сан-Джыміньяна. Незадоўга да ўцёкаў немцаў англійскія бабулькі ратуюць гістарычны будынак ад выбуху, літаральна прыматаўшы сябе да яго бікфардавым шнуром.

У ролях

• Джудзі Дэнч — Арабэла, артыстка і спявачка.
• Джоан Плаўрайт — Мэры Уолес.
• Мэгі Сміт — Лэдзі Хестэр Рэндам, удава брытанскага пасла (1926—1929) у Італіі, вялікая прыхільніца дучэ.
• Лілі Томлін — Георгі Роквелл, амерыканка, якая займаецца археалагічнымі раскопкамі ў Італіі.
• Шэр — Эльза Моргенталь Штраус-Армістан, амерыканская спявачка, якая выйшла замуж за пажылога багацея, аматарка Пікаса.

Узнагароды

• 2000 — BAFTA
  • Прэмія за «Найлепшую жаночочую ролю другога плана» (Мэгі Сміт)
• 2000 — Гільдыя галівудскіх грымёраў і стылістаў
  • Прэмія за «Найлепшыя прычоскі»
  • Прэмія за «Найлепшы грым»
• 2000 — Сярэбраная стужка
  • Прэмія найлепшым мастакам па касцюмах