Шашцін-Стражэ

Горад Шашцін-Стражэ славацк.: Šaštín-Stráže Герб Сцяг Базіліка святой Марыі ў Шашцін-Стражэ Краіна Славакія Край Трнаўскі край Раён Раён Сеніца Каардынаты 48°38′30″ пн. ш. 17°09′05″ у. д. Кіраўнік Радаван Прстэк Заснаваны 1 ліпеня 1960 Першая згадка 1218 Горад з 2001 Плошча 41,951 км² Вышыня цэнтра 170 м Водныя аб’екты Рака Міява Насельніцтва 5 056 чалавек (2005) Шчыльнасць 121 чал./км² Часавы пояс UTC+2, летам UTC+3 Тэлефонны код +421-34 Паштовы індэкс 908 41 Аўтамабільны код SE Афіцыйны сайт mestosastinstraze.sk Шашцін-Стражэ на карце Славакіі

Медыяфайлы на Вікісховішчы

Шашцін-Стражэ (славацк.: Šaštín-Stráže; ням.: Schoßberg-Strascha; венг.: Sasvár-Morvaőr) — горад у раёне Сеніца Трнаўскага края заходняй Славакіі.

Першапачаткова ўяўляў сабой дзве асобныя вёскі. Шашцін-Стражэ з’яўляецца адным з наймаладзейшых гарадоў Славакіі, атрымаўшы статус горада толькі 1 верасня 2001 года.

Геаграфія

Горад размяшчаецца на поўначы Загор’я за 18 км ад Сеніцы і за 65 км ад Браціславы. Рака Міява працякае паўз горад, падзяляючы яго на дзве часткі.

Гісторыя

Сучасны горад узнік аб’яднаннем двух паселішчаў — Шашцін і Стражэ над Міяваў. Шашцін упершыню згадваецца ў 1218 годзе як вартавая крэпасць Венгерскага каралеўства. Гэтая вёска мае шчыльнае гістарычнае дачыненне да этнічнай групы секеяў. Шашцін і Стражэ над Міяваў былі аб’яднаныя ў 1961 годзе пад агульнай назвай «Шашцінске Стражэ» (славацк.: Šaštínske Stráže). У 1971 мястэчка набыло цяперашнюю назву.

Горад знакаміты сваёй базілікай Св. Марыі, якая з’яўляецца месцам паломніцтва хрысціянскіх вернікаў.

Дэмаграфія

Паводле перапісу 2001 года колькасць насельніцтва горада налічвае 5005 чалавек. Нацыянальны склад: 95,44 % — славакі, 2,06 % — цыгане і 1,50 % — чэхі.

Рэлігійны склад: 88,45 % — рыма-каталікі, 7,31 % — людзі без прыналежнасці да рэлігіі і 1,34 % — лютэране.

Спасылкі

• На Вікісховішчы ёсць медыяфайлы па тэме Шашцін-Стражэ
• Афіцыйны сайт
• Неафіцыйны сайт Архівавана 25 верасня 2007.