Эба Віт-Братстром

Эба Віт-Братстром
шведск.: Ebba Marcelle Witt-Brattström
Эба Віт-Братстром на кніжным кірмашы ў Гётэборгу ў 2014 годзе
Род дзейнасці	выкладчыца ўніверсітэта, літаратуразнаўца, літаратар
Дата нараджэння	1 чэрвеня 1953(1953-06-01) (70 гадоў)
Месца нараджэння	Стакгольм, лен Стакгольм, Швецыя
Грамадзянства	Швецыя
Муж	Horace Engdahl[d]
Месца працы	HU Berlin Універсітэт Сёдэрторна[d]
Альма-матар	Стакгольмскі ўніверсітэт Franska Skolan[d]
Узнагароды і прэміі	Mårbacka Award[d] (2016) Lotten von Kræmer Award[d] (2004) Moa award[d] (1991)
Медыяфайлы на Вікісховішчы

Эба Марсель Віт-Братстром (шведск.: Ebba Marcelle Witt-Brattström, нар. 1 чэрвеня 1953, Стакгольм) — шведскі літаратурны крытык, прафесар, вядомая феміністка.

Акадэмічная кар’ера

Віт-Братстром абараніла кандыдацкую дысертацыю па філасофіі ў 1988 годзе ў Стакгольмскім універсітэце на тэму Moa Martinson: Skrift och drift i trettiotalet (Моа Марцінсан: Лісты і праца ў трыццатых гадах).

Пасля гэтага яна працавала асістэнтам на ўніверсітэце і ў 1995 годзе атрымала тытул дацэнта.

У перыяд з 2000 па 2012 гады Віт-Братстром была прафесаркай літаратуры з гендарнай праблематыкай у Сёдэрцёрнскім універсітэце. Яна стала дванаццатым прафесарам універсітэта і першай жанчынай, якая атрымала прафесараскую пасаду.

У перыяд 1998—2003 гадоў яна была членам савета Каралеўскага тэхналагічнага інстытута, які назначаецца ўрадам, у якасці аднаго з прадстаўнікоў грамадскасці.

У перыяд з 2008 да 2011 года Віт-Братстром працавала хамаршэльдаўскім запрошаным прафесарам у інстытуце Паўночнай Еўропы Універсітэта Гумбальта ў Берліне.

У 1995 годзе Эба Віт-Братстром прызначана ўрадам старшай даследчыцай і публікуе Дзяржаўны рапарт публічных даследаванняў Viljan att veta och viljan att förstå. Kön, makt och den kvinnovetenskapliga utmaningen i högre utbildning (Жаданне вучыцца і жаданне зразумець. Пол, улада і праблемы жанчын у сістэме вышэйшай адукацыі; SOU 1995: 110). Як даследчыца, яна таксама была экспертам у ацэнцы дацкай і фінскай вышэйшай адукацыі ў вобласці літаратуры і культуралогіі, з акцэнтам на гендэрныя даследаванні. З 1993 года яна з’яўляецца членам савета пры Архіве і бібліятэцы рабочага руху. У 2012 годзе яна была прызначана прафесарам літаратуры ва Універсітэце Хельсінкі.