Перайсці да зместу

Эдэн Голан

З Вікіпедыі, свабоднай энцыклапедыі
Эдэн Голан
іўр.: עדן גולן
Эдэн Голан у 2024 годзе
Эдэн Голан у 2024 годзе
Асноўная інфармацыя
Дата нараджэння 5 кастрычніка 2003(2003-10-05)[1] (20 гадоў)
Месца нараджэння
Краіна
Музычная дзейнасць
Прафесіі спявачка
Гады актыўнасці 2015—ц.ч.
edengolan.com (англ.)
Лагатып Вікісховішча Медыяфайлы на Вікісховішчы

Эдэ́н Гола́н (іўр.: עדן גולן; нар. 5 кастрычніка 2003, Кфар-Сава, Ізраіль) — ізраільская спявачка, предстаўніца Ізраіля на конкурсе песні «Еўрабачанне-2024» з песняй Hurricane, заняла 5 месца і 2 месца паводле галасавання гледачоў.

Біяграфія[правіць | правіць зыходнік]

Нарадзілася ў горадзе Кфар-Сава 5 кастрычніка 2003 года. У дзяцінстве разам з бацькамі пераехала ў Маскву ў сувязі з працай бацькі, дзе правяла 13 гадоў. Яе бацька Эдзі — латвійскі яўрэй па паходжанні, маці Вольга — ўкраінская яўрэйка. У Эдэн ёсць малодшы брат Шон. Дзед Юрый Голан (былы Глаголеў) скончыў факультэт журналістыкі МДУ, працаваў у латвійскай газеце «Савецкая моладзь».[4]

Эдэн Голан у фінале расійскага шоу «Голос. Дети» ў 2018 годзе

Паводле слоў Голан, у яе засталіся дваякія пачуцці ад знаходжання ў Расіі. З аднаго боку, яна ўдзячная ёй за старт пеўчай кар’еры, але ў той жа час ёй было дыскамфортна па прычыне частых праяў антысемітызму[5].

У 2015 годзе прымала ўдзел у расійскім нацыянальным адборы на «Дзіцячае Еўрабачанне — 2015». У фінале стала пятай, набраўшы 22 балы (на 12 менш, чем пераможца Міхаіл Смірноў).

У 2016 годзе выступіла на «Дзіцячай Новай хвалі» ў Крыме, у тым ліку выканаўшы ў дуэце з Нюшай яе хіт «Вою на Луну».

У 2018 годзе Голан стала фіналісткай пятага сезона шоу «Голос. Дети» (каманда Пелагеі)[6].

Супрацоўнічае з Інонам Яхелем[7].

Удзел у конкурсе песні Еўрабачанне 2024[правіць | правіць зыходнік]

Пры падрыхтоўцы да «Еўрабачання 2024» Ізраільская карпарацыя тэлерадыёвяшчання вырашыла ў чарговы раз выбраць прадстаўніка Ізраіля на конкурс з дапамогай супрацоўніцтва з каналам Keshet 12 і праграмай The Next Star[8]. Эдэн Голан упэўнена перамагала на ўсіх этапах шоу, у апошні дзень выканаўшы песню Уітні Х’юстан «I Have Nothing»[9], і ў выніку была абрана прадстаўніцай сваёй краіны на фінале конкурсу ў Швецыі[10].

На думку аглядальніка ізраільскай версіі часопіса Time Out Авішая Селы, які прадказаў удзел Голан у Еўрабачанні, «ёй пад сілу праспяваць нават тэлефонную кнігу»[11]. Голан, выканаўшы песню «Hurricane», прайшла ў фінал конкурсу і паводле яго вынікаў заняла пятае месца[12].

Выступленне Голан на Еўрабачанні адзначылася шэрагам скандалаў. Незадоўга да фіналу Еўрабачання ва Украіне ўзнялася кампанія з заклікам байкатаваць выступленне спявачкі праз тое, што ў 2016 годзе яна ўдзельнічала ў дзіцячым песенным конкурсе ў Крыме ва ўзросце 12 гадоў. 12 мая 2024 года яна трапіла ў базу ўкраінскага сайта «Міратворца» з прычыны «свядомага парушэння мяжы з мэтай пранікнення на акупаваныя тэрыторыі» і ўчынення іншых злачынстваў супраць Украіны[13]. Украінскія члены журы не прысудзілі Голан ніводнага бала[12].

Акрамя таго, нярэдка гучалі заклікі забараніць удзел Ізраілю праз вайну ў сектары Газа, з-за чаго выступ спявачкі на генеральнай рэпетыцыі і ў фінале асвісталі прапалесцінскія гледачы[14]. Тым не менш, Голан выказалася пазней, што ганарыцца магчымасцю выступаць за сваю краіну, адчувае любоў і падтрымку суайчыннікаў, а таксама прысвячае свой выступ ізраільскім закладнікам[15].

Дыскаграфія[правіць | правіць зыходнік]

Сінглы[правіць | правіць зыходнік]

  • Ghost Town (2022)
  • Let Me Blow Ya Mind (2022)
  • Taxi (2023)
  • Dopamine (2023)
  • Hurricane (2024)

Крыніцы[правіць | правіць зыходнік]

  1. ↑ https://web.archive.org/web/20240206111706/https://www.mako.co.il/tv-the-next-star/season10-the_team/Article-86f9a80c8c4dc81027.htm Праверана 11 лютага 2024.
  2. ↑ https://www.thejc.com/news/israel/eden-golan-israels-eurovision-entry-determined-to-perform-in-the-face-of-death-threats-i8lx5bsj Праверана 19 мая 2024.
  3. ↑ Вікіпедыя на іўрыце — 2003.
  4. ↑ Юрий Глаголев – «Дочь проведет концерт в поддержку Марка Дубовского» #kultura1kB (руск.). rus.lsm.lv. Праверана 10 мая 2024.
  5. ↑ מרגישה שאני צריכה להוכיח את הישראליות שלי, אבל אין מה להוכיח. אני הכי ישראלית שיש (іўрыт). mako.co.il. Архівавана з першакрыніцы 6 лютага 2024. Праверана 6 лютага 2024.
  6. ↑ Эден Голан. Команда Пелагеи (руск.). Первый канал. Архівавана з першакрыніцы 6 лютага 2024. Праверана 6 лютага 2024.
  7. ↑ עדן גולן בראיון: «אני רוצה לייצג את המדינה שלי בגאווה» (іўрыт). EuroMix. Архівавана з першакрыніцы 6 лютага 2024. Праверана 6 лютага 2024.
  8. ↑ הכוכב הבא-פרק 20: עדן גולן נבחרה שוב לביצוע הטוב ביותר (іўрыт). EuroMix (31 студзеня 2024). Архівавана з першакрыніцы 6 лютага 2024. Праверана 6 лютага 2024.
  9. ↑ גמר הכוכב הבא :נחשפו 4 השירים והחלה ההצבעה בדרך לאירוויזיון (іўрыт). ice.co.il. Архівавана з першакрыніцы 6 лютага 2024. Праверана 6 February 2024.
  10. ↑ Zeikner, Avi. עדן גולן תייצג את ישראל באירוויזיון 2024 (іўрыт). EuroMix (6 лютага 2024). Архівавана з першакрыніцы 6 лютага 2024. Праверана 6 лютага 2024.
  11. ↑ הדרך לאירוויזיון: הכוכב הבא מתכוננת לשעמם את אירופה למוות (іўрыт). Time Out Israel. Архівавана з першакрыніцы 6 лютага 2024. Праверана 2 February 2024.
  12. ↑ а б Eurovision 2024 Results: Voting & Points(нявызн.). Eurovisionworld. Праверана 13 мая 2024.
  13. ↑ Представительница Израиля на "Евровидении-2024" Эден Голан оказалась в базе "Миротворца" (руск.). ТСН.ua (12 мая 2024). Праверана 13 мая 2024.
  14. ↑ Carreno, Laura. Israeli act Eden Golan booed again during Eurovision performance amid protests (англ.). The Mirror (11 мая 2024). Праверана 13 мая 2024.
  15. ↑ Instagram. www.instagram.com. Праверана 13 мая 2024.

Спасылкі[правіць | правіць зыходнік]


Узята з "https://be.wikipedia.org/w/index.php?title=Эдэн_Голан&oldid=4747270"