Ясень (балота)

Ясень — балота на паўднёвым усходзе Асіповіцкага раёна Магілёўскай вобласці, на водападзеле рэк Пціч і Бярэзіна. Вярховага (70 %), нізіннага (20 %), пераходнага (5 %) і мяшанага (5 %) тыпаў. Плошча 5 тыс.га, у межах прамыславога пакладу 3,9 тыс.га. Глыбіня торфу да 6,5 м, сярэдняя 2,3 м. Падсцілачны торф на 25 % плошчы, ёсць сапрапель магутнасцю да 2 м. Здабыча торфу на паліва. Расліннасць цэнтральнай часткі — мазаічныя сфагнавыя комплексы, на астатняй вярховай тэрыторыі хваёва-хмызнякова-сфагнавыя, на нізінных участках асакова-гіпнавыя.

Літаратура

• Беларуская энцыклапедыя: У 18 т. Т.18 Кн.1: Дадатак: Шчытнікі — ЯЯ / Рэдкал.: Г. П. Пашкоў і інш. — Мн.: БелЭн, 2004. — Т. 18. — С. 8. — 472 с. — 10 000 экз. — ISBN 985-11-0295-4 (Т. 18 Кн. 1).