Яўген Дзмітрыевіч Гаварухін

Яўген Дзмітрыевіч Гаварухін
Яўген Дзмітрыевіч Гаварухін
Дата нараджэння	14 мая 1941
Дата смерці	14 верасня 1998 (57 гадоў)
Месца пахавання	Усходнія могілкі;
Род дзейнасці	ваенны ўрач, хірург, медыцынскі адміністратар
Навуковая сфера	хірургія і сасудзістая хірургія[d]
Альма-матар	Ваенна-медыцынская акадэмія імя С. М. Кірава[d] (1964);
Узнагароды

Яўген Дзмітрыевіч Гаварухін (14 мая 1941 — 14 верасня 1998) — савецкі ваенны хірург. Палкоўнік медыцынскай службы^[1]. Заслужаны ўрач БССР (1987).

Біяграфія

Выпускнік факультэта падрыхтоўкі ваенных урачоў для ракетных і сухапутных войскаў Ваенна-медыцынскай акадэміі імя С. М. Кірава г. Ленінграда (1964)^[1].

Праходзіў службу на пасадзе начальніка медыцынскіх пунктаў розных батальёнаў, камандзіра эвакуацыйнага ўзвода, прыёмна-сартавальнага ўзвода медыцынскай роты ў складзе розных батальёнаў (1964—1971). Начальнік хірургічнага аддзялення 859 Ваеннага шпіталя Беларускай ваеннай акругі (Паўлінава; 1973—1975); урач хірургічнага аддзялення, затым — начальнік аддзялення сасудзістай хірургіі 432 акруговага ваеннага шпіталя Чырванасцяжнай Беларускай ваеннай акругі (1975—1980); галоўны хірург Беларускай ваеннай акругі ВС СССР (1985—1992)^[1].

Удзельнік ліквідацыі наступстваў катастрофы на Чарнобыльскай АЭС^[1].

Пахаваны ў Мінску на Усходніх могілках (участак 14, рад 10, магіла № 15)^[1].

Узнагароды

Узнагароджаны шматлікімі медалямі^[1].

Крыніцы

↑ ^а ^б ^в ^г ^д ^е Говорухин Евгений Дмитриевич (14.05.1941 — 14.09.1998) Архівавана 5 студзеня 2020. (руск.)

Літаратура

Ишутин О. С. Руководители военной медицины Беларуси 1914—2014 гг. / О. С. Ишутин — Минск. Колорград, 2018. С. 201—202.

[ГЕД-1] а ^б ^в ^г ^д ^е Говорухин Евгений Дмитриевич (14.05.1941 — 14.09.1998) Архівавана 5 студзеня 2020. (руск.)

[1]