Guda

З пляцоўкі Вікіпедыя
Jump to navigation Jump to search
Guda
Guda-2010.jpg
Выступ на «Камяніца-2010»
Асноўная інфармацыя
Жанр Этна-фолк
Гады 1996 - па сённяшні дзень
Краіна Flag of Belarus.svg Беларусь
Горад Мінск
Мова песень Беларуская
Лэйбл БМАgroup
Commons-logo.svg Guda на Вікісховішчы

Guda — беларускі фолк-гурт, адметнасцю якога з’яўляецца жаночае акапэльнае выкананне пераважна абрадавых спеваў, захаванне аўтэнтычнага (у тым ліку, рэгіянальнага) гучання.

Пра гурт[правіць | правіць зыходнік]

Аснову рэпертуару гурта Guda складаюць абрадавыя песні — найбольш архаічны пласт традыцыйнай народнай культуры. Яны вывучаюцца ўдзельніцамі гурта непасрэдна з голасу, што дазваляе амаль дакладна пераняць манеру выканання. Некаторыя песні, якія ўжо не сустракаюцца ў жывым бытаванні, былі ўзноўленыя паводле нотных запісаў. Усе песні выконваюцца акапэльна, за выключэннем танцавальных прыпевак. Рэгіянальная манера спеву і дыялект заўсёды захоўваюцца.

Выканаўцы гурта Guda практыкуюць голасны спеў (паняцце ўведзена этнамузыколагам З. Я. Мажэйка), які паходзіць ад гучнага спеву на адкрытым паветры. Асноўныя эстэтычныя крытэрыі выканання: уменне «голасна весці» (спяваць працяжна, на вялікім дыханні), «падняць» песню (распець яе са звонкай грудной падводкай). Для голаснага спеву характэрнае мноства гукавых фарбаў, якія арганічна ўплятаюцца ў меладычную лінію напеву (глісы на ўзлётах ды спадах, падрыгванні голасу, доўгія і кароткія воклічы на асобных фанемах) — так выконваюцца, найперш, песні вясенне-летняга цыклу, бальшыня вясельных ды радзінных песень.

Творчай мэтай гурта з’яўляецца не толькі захаванне і трансляцыя старадаўняга спеўнага мастацтва, але і сцвярджэнне адметнага светапогляду, у падмурку якога — разуменне вялікай старадаўнасці і сакральнасці сваёй традыцыйнай культуры, а таксама адчуванне сувязі з ёю.

Фальклор для нас — Веды, угрунтаваныя ў старажытную мясцовую Традыцыю, і частка асабістага Сусвету[1].

Строі, у якіх выступаюць спявачкі, пашытыя ўручную паводле этнаграфічных звестак (апісанняў і фотаздымкаў) і адпавядаюць таму гісторыка-культурнаму рэгіёну, з якога яны родам.

Гісторыя[правіць | правіць зыходнік]

Гурт Guda быў створаны ў 1996 годзе як асяродак эксперыментальнага пошуку ў галіне архаічнай спеўнай спадчыны. Этнаграфічныя экспедыцыі, падчас якіх адбываўся непасрэдны кантакт з жывымі носьбітамі традыцыі, работа з аўдыё- і відэаматэрыяламі, кансультацыі з фалькларыстамі і этнамузыколагамі дазволілі пераняць асаблівасці старадаўняй спеўнай манеры. За 20 гадоў існавання склад удзельніц неаднаразова змяняўся, аднак нязменнай заставалася спецыфічнае «гучанне» — надзвычай набліжанае да аўтэнтычнага.

Гурт выпусціў 3 сольныя студыйныя альбомы, а таксама ўдзельнічаў у супольных праектах, у тым ліку ў галіне электроннай музыкі.

У 2011 быў прэзентаваны кліп на песню «За горэю крэмянэю».

У 2012 была створана Школа традыцыйнага мастацтва гурта Guda. З выпускнікоў курсу «Мастацтва традыцыйнага танцу» была ўтворана танцавальная суполка, якая ў 2015 годзе ўвайшла ў склад гурта.

Дыскаграфія[правіць | правіць зыходнік]

2002 Архаічныя абрадавыя сьпевы[правіць | правіць зыходнік]

Архаічныя абрадавыя сьпевы
Студыйны альбом Guda
Дата выпуску 2002
Жанр фольк
Працягласць 45.11 mins
Краіна Беларусь
Лэйбл BMAgroup

«Архаічныя абрадавыя сьпевы» — першы студыйны альбом гурта, які выйшаў у свет у 2002 г. Перавыданне адбылося ў 2006 г.

Спіс кампазіцый[правіць | правіць зыходнік]

  1. Каралю-каралевічу (Веснавая) 1:06
  2. Клік, вясна! (Гуканьне вясны) 1:13
  3. Дзякуй Богу, што вясна прышла (Веснавая) 1:36
  4. Ой, да за гуменьцам (Валачобная) 2:52
  5. А дзе ж ты, Юр’я, ўрасiўся (Юраўская) 1:18
  6. Юр’я, ўставай рана (Юраўская) 1:34
  7. Мядуніца (Веснавая карагодная) 1:13
  8. Як на нашай на вуліцы да й на перавулку (Ваджэньне стралы) 2:04
  9. За горэю крэмянэю (Веснавая) 1:32
  10. Паганяй волы (Веснавая) 2:04
  11. Што й па мору (Веснавая карагодная) 3:13
  12. Ой, бяроза белая (Веснавая) 2:06
  13. Ой, дай божэ тэплэ літо (Веснавая талочная) 1:56
  14. А на траваццэ, рано (Купальская) 1:31
  15. Па бару хаджу (Пятроўская) 1:42
  16. Да пад мостам рыба з хвостам (Касарская) 1:28
  17. Пара жнейкі дамоў ісьці (Жніўная) 1:53
  18. Соняйка да на заходе (Вясельная) 1:21
  19. Маладзенькая Галечка (Вясельная) 1:38
  20. Й у неділечку рано (Вясельная) 3:22
  21. Наварыў братка піва (Восеньская бяседная) 2:46
  22. Добры вечар табе, пане-гаспадару (Калядная) 2:40
  23. Мяцеліца (Калядная) 1:02
  24. А йшла коліда па льду (Калядная) 1:12
  25. Ой, у ляску-ляску на жоўтым пяску (Калядная) 1:49

2005 Ігры багоў[правіць | правіць зыходнік]

Ігры Багоў
Студыйны альбом Guda
Дата выпуску 2005
Жанр фольк
Працягласць 34.07 mins
Краіна Беларусь
Лэйбл BMAgroup

«Ігры Багоў» — другі студыйны альбом гурта

Спіс кампазіцый[правіць | правіць зыходнік]

  1. Паданьне аб утварэньні зямлі … 0.36
  2. Даўней жылі людзі, ня вералі богу (перадвелікодная паставая) … 4.29
  3. Аповяд пра Цмока … 1.05
  4. А дзе ты Юр’я ўрасіўся (юраўская) … 1.19
  5. Юр’я, уставай рана (юраўская) … 1.35
  6. Песенька мая хароша (пахаваньне стралы) … 0.57
  7. Аповяды пра агонь нябесны і агонь зямны … 1.30
  8. Ішла Купалка сялом (купальская) … 0.48
  9. Ды, гарэла Купайло на горэ (купальская) … 2.05
  10. Дзе ты, Купала, купалася (купальская) … 1.31
  11. Сьвяты Яня, дзе дасюль быў? (купальская) … 2.23
  12. Чырвоная рожа (купальская) … 1.32
  13. Аповяд пра ігру Сонца … 0.25
  14. Гуляла соняйка (купальская) … 1.10
  15. Паданьні пра Сонца, Месяц і Зару … 2.09
  16. Ой, месяцу, месяцу, да ўзыйдзі ранюсенька (купальская) … 0.54
  17. Зара мая вячэрняя (жніўная) … 1.05
  18. Блізьнечы міт — паданьне пра браткі … 1.05
  19. А на Купала на Йвана (купальская) … 1.54
  20. Аповяд пра Спарыша … 0.20
  21. Хадзіў Раю на вуліцы (дажынкі) … 2.21
  22. Пярун-Перуне (замова) … 1.50
  23. Заключэньне … 0.11

2014 Вясельле[2][правіць | правіць зыходнік]

Зноскі

Спасылкі[правіць | правіць зыходнік]