Gymnadenia rhellicani мае вышыню 5 — 22 см, гэта расліна са шчыльнымі шарападобнымі і цыліндрычнымі суквеццямі з чырвона-карычневымі да шакаладна-карычневых кветак з шакаладным водарам. Некаторыя расліны, асабліва на поўдні арэала віду, маюць прыкметна больш бледныя кветкі[3].
Від быў апісаны як асобны від у 1990 годзе Хервігам Тэпнерам і Эрыхам Кляйнам, якія адзначылі, што ён быў дыплоідным і размнажаўся палавым шляхам, у адрозненне ад астатняй больш шырокай групы Gymnadenia nigra, якая з’яўляецца поліплоіднай і апаміктычнай. У той час усе гэтыя таксоны ўваходзілі ў род Nigritella, але пазней від быў уключаны ў род ядрушка (Gymnadenia). Відавы эпітэт «rhellicanus» ушаноўвае памяць Ёханэса Рэлікануса, які ў 1536 годзе зрабіў самае ранняе апісанне віду, вядомае аўтарам[3]. Сам Рэліканус назваў расліну Christimanus (лац.: Christi manus, «Рука Хрыста»)[5]:222.
.jpg)
