Даўжыня цела каля 1 м, вага да 7,5 кг. Насяляе трапічныя лясы Цэнтральнай і Паўднёвай Амерыкі ад Мексікі да Паўночнай Аргенціны. Мае адносна кароткія крылы і доўгі хвост, як у ястраба, якія забяспечваюць манеўранасць палёту ў лесе ў пошуках здабычы: малпаў, ляніўцаў, апосума, буйных папугаяў.
Гняздуецца і выводзіць птушаня адзін раз у два-тры гады, уладкоўваючы гняздо на верхавіне высокага дрэва, што падымаецца над лесам; адкладае адно яйка; птушаня корміць больш за 10 месяцаў.
