Opel Kadett

З пляцоўкі Вікіпедыя

Opel Kadett — сямейства кампактных аўтамабіляў. Выпускалася кампаніяй Opel у 19361940 і 19621991 гадах.

У 1992 годзе GM прыняла рашэнне ўніфікаваць абазначэнні мадэляў еўрапейскага рынку, таму імя Kadett для чарговага пакалення (Kadett F) было заменена на Opel Astra.

Kadett K36-K38 (1936—1940)[правіць | правіць зыходнік]

Opel-kadett-1936.jpg

Opel Kadett першага пакалення з’явіўся ў 1936 годзе. Створаны на базе Opel Olympia 1935 года[1]. Пры гэтым, у мадэльным шэрагу кампаніі Kadett пазіцыянаваўся як сямейны аўтамабіль — просты і даступны, а Olimpia — як спартыўны і моладзевы. Машына прадавалася за прымальныя для многіх немцаў 2100 рэйхсмарак.

У адрозненні ад Olimpia, Kadett абсталёўваўся больш старым і маламагутным рухавіком ад мадэлі Р4. Гама афарбоўкі кузаваў Kadett была шырэй. У яе ўваходзіў седан у двух і чатырохдзверным выкананні, дзвухдзверны кабрыялет.

Заднепрывадны аўтамабіль адрозніваўся апорным кузавам і інтэграванымі ў яго фарамі. Гэта быў першы Opel, абсталяваны карбюратарам (ўласнай распрацоўкі) з падальным струменем.

У 1938 годзе адбыўся рэстайлінг Opel Kadett .

У 1940 грамадзянская вытворчасць была згорнута і перааснашчана для выпуску ваенных мадэляў грузавікоў Opel Blitz.

З 1936 па 1940 год было выпушчана 107.608 машын.

У 19471956 гадах савецкі Завод малалітражных аўтамабіляў у Маскве выпускаў аўтамабіль Масквіч-400 — аналаг чатырохдзвернага «Кадэт» у варыянце з незалежнай пярэдняй падвескай. «Масквічоў» было выраблена 247.439 штук.

Kadett A (1962—1965)[правіць | правіць зыходнік]

{{{box_caption}}}
{{{box_caption}}}
{{{box_caption}}}
Opel Kadett A

Распрацоўка новай малалітражнай мадэлі, якая павінна была скласці канкурэнцыю Фальксвагену Жук, пачалася ў 1957 годзе. Кодавае імя праекта TL 700 азначала, што вага аўтамабіля без нагрузкі не павінна была перавышаць 700 кг.

Прэзентацыя адбылася 20 жніўня 1962 года ў Русельсхайме.

Аўтамабіль меў кузаў дзвюхдзверны седан даўжынёй 3,94 м і шырынёй 1,47 м. Абсталёўваўся чатырохцыліндравым рухавіком з верхнім размяшчэннем клапанаў аб’ёмам 993 куб. см. магутнасцю 40 або 48 к.с., агрэгатаваным з механічнай чатырохступеньчатай цалкам сінхранізаванай каробкай перадач. Невялікая маса, усяго 670 кг, дазваляла аўтамабілю разганяцца да 120 км/г (у варыянта 40 к.с.). Мадыфікацыя з рухавіком 48 к.с. мела максімальную хуткасць 130 км/г, а на разгон да 100 км/г ёй патрабавалася 21,5 секунды.

Увесну 1963 года дэбютаваў універсал CarAvan.

У 1963 годзе на 33-м Міжнародным аўтасалоне ў Жэневе Opel прадставіў Kadett L. Гэтая мадыфікацыя адрознівалася ад стандартнай мадэлі афармленнем: па ўсёй даўжыні мелася храмаванае аздабленне ніжніх панэляў кузава, храмаваныя жолабы, адрозніваўся бампер, габарытныя агні. Быў багацейшым інтэр’ер: велюравыя дываны, іншая падушка сядзення, кольца на рулявым коле, гадзіннік, люстэрка для макіяжу ў пасажырскім сонцаахоўным брылі, прыпальвальнік, попельніца і іншае.

Кіраўніцтва GM дало рэзкую адзнаку зыходнаму дызайну Kadett A. Эрхардам Шнэлем[de] быў распрацаваны новы дызайн пярэдняй часткі. У 1963 годзе новы знешні выгляд дэбютаваў на купэ, а з пачатку 1964 года новае аблічча атрымаў і Kadett L.

Серыйная вытворчасць Кадэтаў ажыццяўлялася на заводзе ў Бохуме. Ад 1963 года пачалася вытворчасць CKD-камплектаў для зборкі за мяжой. У 1964 годзе CKD-зборка складала 15 % ад агульнага аб’ёму экспарту. Аўтамабіль збіраўся на заводах у Бельгіі, Даніі, Партугаліі, Ірландыі, Паўднёвай Афрыцы, Філіпінах, Венесуэле, Уругваі, Перу і Коста-Рыцы.

Базавы Kadett каштаваў 5075 марак, версія L была даражэй на 500 DM.

Агулам за тры гады было выпушчана 649 512 машын, з іх: 354 186 базавых седанаў, 126 616 універсалаў, 53 468 купэ і 115 242 седаны мадыфікацыі L[2].

Kadett B (1965—1973)[правіць | правіць зыходнік]

Kadett B

Kadett B быў быў прадстаўлены на Франкфурцкім аўтасалоне ў канцы лета 1965 года[3]. З канвеера новая мадэль пачала сыходзіць ў верасні 1965 года.

Kadett B быў глыбокай мадэрнізацыяй папярэдняга пакалення, захаваў ўсе асноўныя тэхнічныя рашэнні, але атрымаў падноўлены кузаў. Аўтамабіль стаў класам вышэй: буйней (на 18 см даўжэй і на 10 см шырэй) і магутней (былі ўжытыя бензінавыя маторы ад 45 да 90 к.с.).

Мадэльны шэраг Kadett B

Мадэльны шэраг уключаў у сябе самыя разнастайныя тыпы кузаваў (на малюнку). Упершыню ў гаме з’явіліся чатырохдзвярныя седаны і пяцідзвярныя ўніверсалы — і нарэшце Kadett стаў пяцімясцовым. Усяго мадэльны шэраг складаўся з 11 мадыфікацый.

У 1967 годзе аўтамабіль быў мадэрнізаваны.

Выпуск быў спынены ў 1973 годзе. За ўвесь час было выпушчана 2.691.300 машын[3].

Kadett C (1973—1979)[правіць | правіць зыходнік]

Kadett C

У 1973 годзе выйшаў Kadett C. Распрацаваны за тры гады на базе міжнароднай платформы GM T-platform.

Са з’яўленнем Kadett C, упершыню на Кадэтах з’явіліся трохкропкавыя рамяні бяспекі, упырск паліва Bosch L-Jetronic, спружынная пярэдняя падвеска на падвойных папярочных рычагах, пяціступеньчатая каробка перадач і 16-клапанны матор (на ралійнай версіі). Разам з гэтым Kadett C стаў апошнім Кадэтам з прывадам на заднія колы.

У жніўні 1977 года быў праведзены рэстайлінг мадэлі.

Усяго было зроблена 1,7 мільёнаў аўтамабіляў.

Kadett City[правіць | правіць зыходнік]

У 1975 годзе з’явіўся трохдзвярны хэтчбек Kadett City — прамы канкурэнт Гольфа першага пакалення. Выпуск мадыфікацыі City становіцца адказам на тэндэнцыю росту цікавасці да аўтамабілеў з кузавам хэтчбек. Выраблена 263.090 аўтамабіляў.

Kadett GT / E[правіць | правіць зыходнік]

У 1975 годзе таксама з’явіўся Kadett GT / E магутнасцю 105 к.с.. Аўтамабілі выпуску да 1977 года вызначаюцца жоўта-чорнай афарбоўкай кузава (такіх выпушчана 8.660 шт.). Познія версіі (выпуску з 1977 па 1979 год) — жоўта-белай (выпушчана — 2.234 аўтамабіляў).

Kadett Aero[правіць | правіць зыходнік]

Opel Kadett C Aero

У гаме быў і незвычайны двухдзвярны седан-кабрыялет з суцэльнымі бакавінамі кузава — Kadett Aero, які быў прадстаўлены ў 1976 годзе на аўтасалоне ў Женеве[4].

У сваёй аснове мадэль мела дзвухдзвярны седан, з мадыфікаваным кузавам, які вытворцы называлі паўкабрыялет. Асноўныя змены заключаліся ў выдаленні часткі даху і задняга шкла, з пакіданнем бакавых сілавых элементаў канструкцыі кузава. Выдаленыя элементы замяняліся вінілавым палатном, якое прымацоўвалася на спецыяльных зацісках. Атрыманы такім чынам кузаў, спалучаў у сабе рысы кузаваў тарга (сярэдняя частка даху) і ландо (у задняй частцы).

Вытворчасцю кузава займалася атэлье Baur(ням.) бел., (Штутгарт). З 1976 па 1978 год былі вырабленыя 1.242 адзінкі Opel Kadett Aero.

Галерэя[правіць | правіць зыходнік]

Kadett D (1979—1984)[правіць | правіць зыходнік]

Kadett D

Першы пярэднепрывадны Kadett (D) выйшаў у верасні 1979 года.

Кузаваў было тры: 2-х і 4-дзвярны хэтчбек з невялікай крышкай багажніку ці 3-х і 5-дзвярны хэтчбек, 3-х і 5-дзвярны ўніверсал, 3-дзвярны фургон з заглушанымі бакавымі вокнамі.

У канструкцыі Kadett D былі ўжытыя: пярэдняя падвеска тыпу McPherson, задняя — на падоўжных рычагах з кампактнымі канічнымі спружынамі Miniblok. Машына была карацей папярэдніка на 12 см, але аказалася нашмат прасторней дзякуючы ўсталяванаму папярочна сілавым агрэгату, размешчанаму пад заднім сядзеннем бензабаку, задняй паўзалежнай падвесцы і іншым сучасным рашэнням.

Аўтамабіль абсталёўваўся бензінавымі рухавікамі магутнасцю ад 53 да 115 к.с.

У 1981 годзе мадэль мадэрнізавалі. З’явіўся 1,6-літровы 75-моцны рухавік, а пазней і дызель (54 к.с.). З мая 1981 года Kadett D з рухавіком OHC сталі таксама даступныя з 3-ступеністай аўтаматычнай каробкай перадач, а з верасня 1982 года аўтаматычная каробка перадач стала ўсталёўвацца і на дызельныя аўтамабілі.

Да 1984 года было выпушчана 2,1 мільёнаў машын.

Галерэя[правіць | правіць зыходнік]

Kadett E (1984—1991)[правіць | правіць зыходнік]

Kadett E

У 1984 годзе з’явіўся апошні Kadett — з літарай «Е». Машына адрознівалася добрай аэрадынамікай (Сх = 0,32; 0,35 у ўніверсала Caravan[5]), шырокай гамай бензінавых і дызельных матораў (ад 55 да 156 к.с.), незвычайнай лічбавай панэллю прыбораў на версіі Gsi, а ў 1985 годзе на ёй упершыню з’явіўся каталітычны нейтралізатар адпрацаваных газаў.

У 1985 годзе стаў «Аўтамабілем года ў Еўропе»[6].

У лютым 1989 года аўтамабіль зведаў рэстайлінг.

Вытворчасць працягвалася да 1991 года, версіі кабрыялет — да 1993 года, а фургонаў Combo — да 1994 года. Гэта быў самы масавы Kadett: да 1991 года зрабілі 3 779 289 аўтамабіляў[5]. З усіх версій Kadett E, самым папулярным і самым масавым быў 3-дзверны хэтчбек. Усяго было выраблена 2 789 742 аўтамабіля з кузавам хэтчбек (63,12 % ад агульнай колькасці), 742 634 седаны (16,80 %), 685 171 універсал (15,50 %), 143 745 фургонаў (3,25 %) і 58 572 кабрыялеты (1,33 %)[7].

У 1987 годзе карэйская фірма Daewoo пачала вытворчасць па ліцэнзіі пад назвай Daewoo Racer, якая пратрымалася на канвееры да 1995 года. Пасля была распрацавана новая мадэль — Daewoo Nexia, якая выраблялася ва Узбекістане ажно да 2016 года.

Галерэя[правіць | правіць зыходнік]

Гл. таксама[правіць | правіць зыходнік]

Зноскі

Спасылкі[правіць | правіць зыходнік]