Слаявіна буйналіставатая, звычайна нявызначанай формы, 5-10 см у шырыню, параўнальна слаба прымацаваная да субстрату, глыбока падзеленая на лопасці. Лопасці шырокія, 10-15 мм, звычайна загорнутыя і налягаюць адна на адну, з няроўнымі, хвалістымі і прыпаднятымі бакамі, засаджаныя рэдкімі чорнымі вейчыкамі, 1-2 мм даўжынёй. Верхняя паверхня слаявіны шэрая, шаравата-зеленаватая, радзей бялёса шэрая, слаба-бліскучая або матавая, гладкая або злёгку маршчыністая. Ніжняя паверхня цёмна-карычневая, чорная, злёгку бліскучая. Асяродак белы. Сараль галоўкавая або паўгалоўкавая, часам зліваецца разам, развіваецца на канцах лопасцяў. Апатэцый развіваецца рэдка.