Сцеблы распластаныя, з кароткімі прамымі або ўзыходнымі кветаноснымі парасткамі, 2-5 см вышынёй, апушаныя ўніз накіраванымі кароткімі валасінкамі. Лісце лінейнае і даўгавата-эліптычнае, 4,5-8 мм даўжынёй, 1-2 мм ушыр, голае або зверху з вельмі кароткімі шчаціністымі валасінкамі, на краях да паловы з доўгімі вейчыкамі. Суквецці галоўчатыя. Чашачкі 3,5-4 мм даўжынёй, зверху голыя або злёгку апушаныя, знізу з адтапыранымі валасінкамі; зубцы верхняй губы на краях голыя, зрэдку з вейчыкамі. Вяночкі цёмна-ружовыя, 7-8 мм даўжынёй[3].
