Type 54-1
Type 54-1 | |
---|---|
Класіфікацыя | самаходная гаўбіца |
Краіна | Кітай |
Баявая маса, т | 15,4 |
Экіпаж, чал. | 7 |
Гісторыя | |
Вытворца | NORINCO |
Гады эксплуатацыі | з 1970 |
Асноўныя аператары | |
Габарыты | |
Даўжыня, мм | 5650 |
Шырыня, мм | 3060 |
Вышыня, мм | 2680 |
Браніраванне | |
Тып брані | сталёвая катаная |
Узбраенне | |
Калібр і марка гарматы | 122-мм гаўбіца |
Боекамплект гарматы | 40 |
Вуглы ВН, град. | 2,5 да +63 |
Вуглы ГН, град. | ±22.5 |
Далёкасць стральбы, км | 11,8 |
Іншае ўзбраенне | 7,62-мм кулямёт Type-67 |
Рухомасць | |
Тып рухавіка | 1хDeutz 6150L 6-цыліндравы дызельны водкаснага астуджэння |
Магутнасць рухавіка, к. с. | 257 |
Хуткасць па шашы, км/г | 56 |
Запас ходу, км | 450 |
Медыяфайлы на Вікісховішчы |
Самаходная гаўбіца Тып 54-1 — кітайская самаходная артылерыйская ўстаноўка. Створана на шасі бронетранспарцёра Type 531.
Канструкцыя і характарыстыкі[правіць | правіць зыходнік]
Першы ўзор 122-мм самаходнай гаўбіцы Type 54, распрацаваны кітайскай фірмай NORINCO, уяўляў сабою стандартны бронетранспарцёр YW 531 (ці Type 531), узброены 122-мм гаўбіцай Type 54. Гармата з дэмантаванымі хобатамі лафета ўсталёўвалася ў задняй частцы дэсантнага аддзялення. Пазнейшая мадыфікацыя Type 54-1 адрозніваецца падоўжаным шасі, у якім замест чатырох ужываюцца пяць апорных каткоў. Гэтая машына больш устойлівая пры стральбе. Корпус самаходкі выкананы метадам зваркі з лістоў сталёвай качанай броні таўшчынёй да 12 мм і абараняе экіпаж ад агню стралковай зброі і аскепкаў снарадаў і мін малога калібру.
У кармавой частцы корпуса змантавана гаўбіца Type 54-1, што ўяўляе сабой копію расійскай гаўбіцы М-30. Яна мае кароткі ствол без дульнага тормазу, які не выступае за пярэдні габарыт машыны. Type 54-1 захавала ахоўны шчыток, але з бакоў, ззаду і зверху зусім адкрыта і не забяспечвае разліку ніякай абароны. Пры патрэбе гаўбіца і баявое аддзяленне цалкам зачыняюцца брызентавым чахлом. У гарызантальнай плоскасці прылада наводзіцца на цэль ў сектары ±22.5° адносна падоўжнай восі машыны. У вертыкальнай плоскасці вуглы навядзення ляжаць у межах ад −2,5® да +63'. Для стральбы з гарматы ўжываюцца стрэлы паасобнага зараджання з фугаснай, дымавой і асвятляльнай баявымі часткамі. Максімальная далёкасць стральбы складае 11800 м. У боекамплект машыны ўваходзяць 40 стрэлаў.
У якасці дапаможнага ўзбраення ўсярэдзіне САУ перавозіцца 7,62-мм кулямёт Type-67 (копія савецкага РП-46) з 1000 патронаў, які можа выкарыстоўвацца для стральбы па жывой сіле і паветраных цэлях.
У маторна-трансмісійным аддзяленні самаходнай гаўбіцы ўсталяваны шасціцыліндравы радовы дызель вадкаснага астуджэння 6150L, які развівае магутнасць 191 квт пры 2000 аб/мім. Пры руху па дарогах з цвёрдым пакрыццём самаходка развівае хуткасць 56 км/г і без дазапраўкі палівам можа прайсці да 450 км.
У склад хадавой часткі ў дачыненні да аднаго борта ўваходзяць пяць пакрытых гумай апорных каткоў, тры падтрымліваючых роліка, вядучыя колы пярэдняга і накіроўчыя колы задняга месцавання. Верхнія галіны гусеніц і часткова падтрымныя ролікі закрыты сталёвымі экранамі.
Самаходная гаўбіца Type 54-1 абсталявана інфрачырвоным прыборам начнога бачання, які ўсталяваны на працоўным месцы механіка-кіроўцы для кіравання САУ ва ўмовах абмежаванай бачнасці. Сістэмы абароны ад зброі масавай паразы не прадугледжана.
Серыйная вытворчасць 122-мм самаходнай гаўбіцы Type 54-1 спынена. САУ знаходзіцца на ўзбраенні толькі кітайскага войска.