Вусень афарбаваны ў чорны і жоўты колер, мае доўгія валасінкі з кнідацытамі[2]. Пасля лінькі пазбаўляюцца ад хітынавай абалонкі, акрамя яе галаўной часткі, якая застаецца зверху сапраўднай галавы, і так праз некалькі лінек у вусеняў утвараецца стос галоў (да 5-ці галоў), каб абараняцца ад прадстаўнікоў надсямейства Pentatomoidea, якія цэляцца колюча-смактальным ротавым апаратам прама ў галаву[3]. Ад іншых драпежнікаў абараняецца альбо з’едлівай зялёнай вадкасцю, альбо выкідваючы кішкі, падобна галатурыям. Імага маюць цёмна-шэрыя пярэднія крылы з чорнымі папярочнымі лініямі і плямамі, часам шырокай карычневай паласой па цэнтры, а колер задніх крылаў блізкі беламу, краі крылаў апушаныя. Вусы перыстыя.
